Дзелавы візіт у Тэгеран (Іран)

Запрашаем прадстаўнікоў беларускіх прадпрыемстваў і арганізацый прыняць удзел у дзелавым візіце ў Тэгеран (Ісламская Рэспубліка Іран).

Падчас візіту Беларускай гандлёва-прамысловай палатай пры садзейнічанні Іранскай палаты па гандлі, прамысловасці і шахтах будзе арганізавана дзелавое мерапрыемства, на якім беларускія ўдзельнікі атрымаюць магчымасць устанавіць прамыя кантакты і правесці перагаворы аб развіцці ўзаемавыгаднага супрацоўніцтва з кіраўнікамі і прадстаўнікамі іранскіх кампаній – патэнцыяльных партнёраў.

Арыентыровачныя даты візіту – 20–23 лістапада.

Маршрут і праграма знаходжання ў Іране будуць прапрацаваны дадаткова.

Даведачна.

Перспектыўнымі сферамі для развіцця беларуска-іранскага гандлёва-эканамічнага супрацоўніцтва з'яўляюцца экспарт у Іран пасажырскай і сельскагаспадарчай тэхнікі, аўтамабільных шын, сінтэтычных валокнаў, прадукцыі дрэваапрацоўкі, медыцынскага абсталявання і сыравіны для лекавых сродкаў, станочнага абсталявання, оптыкі і прыстасаванняў на лазерах, сельскагаспадарчай прадукцыі і прадуктаў харчавання, уключаючы мясамалочную прадукцыю і кандытарскія вырабы. Да магчымых пазіцый для імпарту з Ірана можна аднесці фармацэўтычную прадукцыю і абсталяванне медыцынскага прызначэння, аўтамабільную тэхніку, сельскагаспадарчую прадукцыю і прадукты харчавання, уключаючы садавіну, агародніну, арэхі і сухафрукты, рыбу і морапрадукты, паўфабрыкаты, абутак і вырабы са скуры, будаўнічыя матэрыялы.

З улікам неабходнасці афармлення віз (БелГПП акажа падтрымку), а таксама для пошуку патэнцыйных іранскіх партнёраў прымаючым бокам у выпадку зацікаўленасці прыняць удзел у візіце просьба прайсці анлайн-рэгістрацыю да 11 лістапада.