Дзелавы візіт у Зімбабвэ

Запрашаем кіраўнікоў і прадстаўнікоў беларускіх прадпрыемстваў і арганізацый прыняць удзел у дзелавым візіце ў Рэспубліку Зімбабвэ (г. Харарэ).

Праграма візіту прадугледжвае правядзенне бізнес-форуму, на якім будуць разгледжаны актуальныя пытанні беларуска-зімбабвійскага гандлёва-эканамічнага супрацоўніцтва, а таксама дзелавых перагавораў у фармаце В2В, арганізацыю прэзентацый беларускіх прадпрыемстваў, у тым ліку з дэгустацыяй прадуктаў харчавання.

Удзельнікі візіту атрымаюць магчымасць пашырыць узаемадзеянне і ўстанавіць новыя дзелавыя кантакты па ўсіх напрамках двухбаковага гандлёва-эканамічнага супрацоўніцтва. Найбольш перспектыўнымі для двухбаковага ўзаемадзеяння бачацца сферы аховы здароўя (медыцынскія прэпараты і абсталяванне), харчовай прамысловасці (вытворчасць шырокага асартыменту прадуктаў харчавання, сухое малако, алкагольная прадукцыя), лёгкай прамысловасці (трыкатаж, адзенне), машынабудавання (дарожная, сельскагаспадарчая і іншая спецыяльная тэхніка, навясное абсталяванне, рухавікі і генератары, запасныя часткі і камплектуючыя), металургіі, паліўна-энергетычнай, горназдабыўной, хімічнай, дрэваапрацоўчай прамысловасці.

У выпадку зацікаўленасці прыняць удзел у візіце ў Зімбабвэ просьба да 13 студзеня прайсці анлайн-рэгістрацыю (звесткі аб удзельніках візіту і арганізацыях неабходна запоўніць на рускай і англійскай мовах).

Акрамя таго, у рамках форума прадугледжваецца правядзенне цырымоніі падпісання двухбаковых камерцыйных кантрактаў і пагадненняў. У выпадку наяўнасці гатовых да падпісання дакументаў з зімбабвійскімі партнёрамі просім паведаміць аб гэтым пры рэгістрацыі.