Анлайн-пасяджэнне Сумеснага Беларуска-Расійскага дзелавога савета на тэму «Развіццё мадэлей лічбавага маркетынгу»

Запрашаем прадстаўнікоў зацікаўленых прадпрыемстваў і арганізацый прыняць удзел у чарговым пасяджэнні Сумеснага Беларуска-Расійскага дзелавога савета.

Пасяджэнне адбудзецца ў анлайн-фармаце. Тэма – «Развіццё мадэляў лічбавага маркетынгу».

У рамках мерапрыемства прадстаўнікі беларускіх і расійскіх кампаній прэзентуюць існуючыя механізмы і рашэнні для прасоўвання прадукцыі ў сегменце В2В і абмяркуюць практычныя аспекты развіцця спецыялізаваных лічбавых бізнес-мадэлей у сферах грузаперавозак, анлайн-таргоў, лічбавых выставак, дакументаабароту і іншых.

Плануецца, што ў пасяджэнні прымуць удзел Надзвычайны і Паўнамоцны Пасол Рэспублікі Беларусь у Расійскай Федэрацыі Аляксандр Рагожнік, першы намеснік старшыні Мінгарвыканкама Надзея Лазарэвіч (старшыня беларускай часткі Сумеснага дзелавога савета), Ганаровы консул Рэспублікі Беларусь у Маскве Аляксандр Ястрыг (старшыня расійскай часткі Савета).

Для ўдзелу неабходна не пазней за 14 лістапада прайсці анлайн-рэгістрацыю (па спасылцы «Прыняць удзел»).

Спасылка на падключэнне будзе накіравана зарэгістраваным удзельнікам у працоўным парадку.