Удзел старшыні БелГПП У.Улаховіча ў анлайн-пасяджэнні членаў кіраўніцтва Ініцыятывы “Адна эканамічная прастора ад Лісабона да Уладзівастока”

Старшыня Беларускай гандлёва-прамысловай палаты Уладзімір Улаховіч прыняў удзел у анлайн-пасяджэнні членаў праўлення Ініцыятывы “Адна эканамічная прастора ад Лісабона да Уладзівастока”.

Старшынёй праўлення Ініцыятывы з’яўляецца прэзідэнт SCHNEIDER GROUP Ульф Шнайдэр, у склад праўлення ўваходзяць кіраўнікі БелГПП, Франка-Расійскай гандлёва-прамысловай палаты, Расійска-Германскай знешнегандлёвай палаты, Асацыяцыі расійскага бізнесу ў Германіі, Усходняга камітэта германскай эканомікі, Асацыяцыі еўрапейскага бізнесу, Расійскага саюза прамыслоўцаў і прадпрымальнікаў, Асацыяцыі італьянскіх прамыслоўцаў у Расіі (Confindustria Russia).

Падчас пасяджэння членам праўлення былі прадстаўлены прапановы па гарманізацыі стандартаў і працэдур у краінах ЕС і ЕАЭС, падрыхтаваныя рабочымі групамі ініцыятывы па наступных напрамках: мытнае рэгуляванне і транспарт, сертыфікацыя, фармацэўтыка, падаткаабкладанне, візавая палітыка, зялёная эканоміка.

Выпрацаваныя экспертамі ЕС і ЕАЭС сумесныя прапановы стануць асновай для выніковага дакумента, які будзе прадстаўлены членам Еўракамісіі і ЕЭК.