Вэбінар па развіцці двухбаковага гандлю са Шры-Ланкой

Пасольствам Дэмакратычнай Сацыялістычнай Рэспублікі Шры-Ланка ў Расійскай Федэрацыі, Саветам па развіцці экспарту Шры-Ланкі пры падтрымцы Беларускай гандлёва-прамысловай палаты быў арганізаваны вэбінар па развіцці двухбаковага гандлю са Шры-Ланкой.

У мерапрыемстве прынялі ўдзел Надзвычайны і Паўнамоцны Пасол Дэмакратычнай Сацыялістычнай Рэспублікі Шры-Ланка Ламаванса Мігахаландэ Дураге, намеснік старшыні БелГПП Дзяніс Мялешкін, дырэктар Нацыянальнага цэнтра маркетынгу і кан’юктуры цэн Валерый Садоха, дырэктар па экспарце ў сферы сельскай гаспадаркі Савета па развіцці экспарту Шры-Ланкі Малані Бадэгамаге, намеснік дырэктара Савета па развіцці экспарту Шры-Ланкі Харша Патбэрія. Да трансляцыі вэбінара далучыліся больш за 50 прадстаўнікоў бізнесу дзвюх краін.

Падчас мерапрыемства былі разгледжаны перспектыўныя напрамкі супрацоўніцтва Беларусі і Шры-Ланкі, магчымасці пашырэння двухбаковых бізнес-кантактаў і стварэння сумесных прадпрыемстваў, адбыліся прэзентацыі гандлёва-эканамічнага і інвестыцыйнага патэнцыялу дзвюх краін. Прадстаўнікі бізнес-кантактаў Беларусі і Шры-Ланкі абмеркавалі ўзаемадзеянне ў сферах вытворчасці сельскагаспадарчага абсталявання, малочнай і мясной прадукцыі, прамысловай кааперацыі.