Абласны сход членаў БелГПП па Гродзенскай вобласці

У Гродне адбыўся абласны сход членаў Беларускай гандлёва-прамысловай палаты па выбарах дэлегатаў XII З'езда БелГПП.

У мерапрыемстве прынялі ўдзел намеснік старшыні БелГПП Дзяніс Мялешкін, старшыня камітэта эканомікі Гродзенскага аблвыканкама Аляксандр Камендант, старшыня Гродзенскага гарвыканкама Мечыслаў Гой, прадстаўнікі прадпрыемстваў – членаў БелГПП.

Падводзячы вынікі работы Гродзенскага аддзялення Беларускай гандлёва-прамысловай палаты ў 2019–2022 гадах, генеральны дырэктар Міраслаў Сарасек адзначыў станоўчую дынаміку развіцця ўсіх напрамкаў і паслуг, расказаў аб новых падыходах і фарматах з улікам тых няпростых умоў, з якімі давялося сутыкнуцца прадпрыемствам. Генеральны дырэктар запэўніў удзельнікаў сходу ў тым, што і надалей дзейнасць прадпрыемства будзе накіравана на аказанне ўсебаковай падтрымкі бізнесу і павышэнне экспартнага патэнцыялу Гродзенскай вобласці.

Намеснік старшыні БелГПП Дзяніс Мялешкін адзначыў, што насуперак усім цяжкасцям трох апошніх гадоў Палата працягнула актыўна прасоўваць інтарэсы беларускага бізнесу на знешніх рынках, актыўна ўкараняючы новыя паслугі, асабліва запатрабаваныя прадпрыемствам, аказваючы ўсебаковую падтрымку членам БелГПП з мэтай мінімізацыі негатыўных наступстваў, выкліканых уведзенымі абмежаваннямі.

Старшыня Гродзенскага гарвыканкама Мечыслаў Гой адзначыў, што гандлёва-прамысловая палата з'яўляецца сувязным звяном паміж бізнесам і ўладай, актыўна прасоўвае інтарэсы дзелавых колаў. Ён станоўча ацаніў ролю БелГПП і абласнога аддзялення ў развіцці міжнародных гандлёва-эканамічных сувязей бізнес-супольнасці вобласці ў трохгадовы перыяд.

Вопытам супрацоўніцтва з Гродзенскім аддзяленнем БелГПП падзяліўся кіраўнік Адміністрацыі СЭЗ «Гроднаінвест» Дзмітрый Ражкоў. Ён адзначыў трывалыя дзелавыя адносіны, якія склаліся паміж арганізацыямі, пацвярджэннем чаго з'яўляюцца дзясяткі сумесна арганізаваных мерапрыемстваў, накіраваных на развіццё эканомікі рэгіёну.

Па выніках галасавання выбраны 9 прадпрыемстваў-дэлегатаў, якія будуць прадстаўляць Гродзенскую вобласць на XII З'ездзе БелГПП.

У рамках абласнога сходу таксама адбылося ўзнагароджанне кампаній Гродзеншчыны – дыпламантаў рэспубліканскага конкурсу «Лепшы экспарцёр 2021 года».

Чарговы XII З'езд Беларускай гандлёва-прамысловай палаты склікаецца рашэннем Савета палаты 5 кастрычніка 2022 г. З'езд разгледзіць вынікі дзейнасці БелГПП за тры апошнія гады і вызначыць напрамкі далейшай працы.