Беларусь і Татарстан: актывізацыя гандлёва-эканамічнага супрацоўніцтва

Старшыня Беларускай гандлёва-прамысловай палаты Міхаіл Мятлікаў правёў рабочую сустрэчу з гандлёва-эканамічным прадстаўніком Рэспублікі Татарстан Расійскай Федэрацыі ў Рэспубліцы Беларусь Ільхамам Кашапавым.

Бакі абмеркавалі пытанні актывізацыі гандлёва-эканамічнага супрацоўніцтва, развіцця кааперацыйных сувязей, узаемадзеяння па лініі гандлёва-прамысловых палат, а таксама ўдзелу беларускіх дзелавых колаў у Міжнародным эканамічным форуме "Расія - Ісламскі свет: KazanForum 2025", які стартуе 13 мая ў г. Казані.

У сваю чаргу, беларускі бок запрасіў Ільхама Кашапава і дзелавыя колы Татарстана прыняць удзел у выязной Міжнароднай прамысловай выставе «ІННАПРОМ. Беларусь», якая ўпершыню пройдзе ў г. Мінску з 29 верасня па 1 кастрычніка 2025 года.