Вынікі дзейнасці ў 2021 годзе і задачы на наступны год – з такой павесткай прайшоў сход працоўнага калектыву Гомельскага аддзялення БелГПП, у якім прыняў удзел намеснік старшыні Беларускай гандлёва-прамысловай палаты Дзяніс Мялешкін.
Адкрываючы сход, генеральны дырэктар Гомельскага аддзялення БелГПП Марына Філонава адзначыла, што рэалізацыя трох асноўных напрамкаў дзейнасці (сертыфікацыя, экспертыза і ацэнка, знешнеэканамічная дзейнасць) была эфектыўнай, выкананы ўсе даведзеныя паказчыкі, захавана дынаміка іх росту.
У 2021 годзе Гомельскае аддзяленне БелГПП выкарыстоўвала існуючы вопыт для захавання міжнародных бізнес-кантактаў, актуалізавала і фарміравала новыя інструменты для прасоўвання сярод замежных партнёраў іміджу Гомельскай вобласці і кампаній рэгіёну. Дадатковым рэсурсам для садзейнічання гандлёва-эканамічным кантактам стала электронная пляцоўка міжнародных кантактаў GOMEL PRO BUSINESS (bizgomel.by).
Намеснік генеральнага дырэктара па экспертызе і сертыфікацыі Таццяна Сідарава адзначыла, што гнуткая цэнавая палітыка аддзялення, арыентаваная на павышэнне канкурэнтаздольнасці, дазволіла захаваць станоўчую дынаміку росту экспертных паслуг. Арганізавана работа экспертаў у філіялах і прадстаўніцтве ў Гомельскай вобласці, а таксама непасрэдна на ААТ «БМЗ», ААТ «Мазырскі НПЗ», Беларускім газаперапрацоўчым заводзе і ў адміністрацыі СЭЗ «Гомель-Ратон».
Намеснік генеральнага дырэктара па знешнеэканамічнай дзейнасці Барыс Гушчын адзначыў, што ў 2021 годзе аддзяленнем праведзена 232 міжнародныя мерапрыемствы. Работа на электронных рэсурсах пашырыла аўдыторыю ўдзельнікаў В2В-перагавораў, што дало магчымасць не толькі захаваць, але і прымножыць бізнес-кантакты для больш за 1160 прадстаўнікоў дзелавых колаў з 41 краіны свету. Упершыню быў апрабаваны гібрыдны фармат для правядзення іміджавых міжнародных мерапрыемстваў Гомельскай вобласці.
Намеснік старшыні БелГПП Дзяніс Мялешкін адзначыў эфектыўную фінансава-гаспадарчую дзейнасць, а таксама прафесіяналізм супрацоўнікаў Гомельскага аддзялення БелГПП у выкананні пастаўленых задач. «Мне імпануе актыўная пазіцыя кіраўніцтва і калектыва. Гомельскае аддзяленне – адзінае, якому ў 2021 годзе ўдалося правесці свае галоўныя іміджавыя міжнародныя мерапрыемствы», – сказаў намеснік старшыні БелГПП.
За значны асабісты ўклад у развіццё сістэмы Палаты Дзяніс Мялешкін уручыў супрацоўнікам аддзялення ганаровыя граматы БелГПП і падзякі старшыні БелГПП.
Завяршаючы мерапрыемства, намеснік старшыні Палаты падкрэсліў: «Гэты год – юбілейны для Беларускай гандлёва-прамысловай палаты. І гэта запатрабуе асаблівай адказнасці і напружанай працы ад усіх нас».