Экспазіцыя Made in Belarus на выставе Rebuild Syria ў Дамаску

Экспазіцыя беларускіх вытворцаў Made in Belarus прадстаўлена на міжнароднай прамысловай выставе Rebuild Syria, якая адкрылася 29 верасня ў Дамаску.

Арганізатар экспазіцыі Made in Belarus – выставачнае унітарнае прадпрыемства "Белінтэрэкспа" Беларускай гандлёва-прамысловай палаты. Мерапрыемства праводзіцца пры падтрымцы Пасольства Рэспублікі Беларусь у Рэспубліцы Сірыя.

У рамках экспазіцыі навінкі тэхнікі і перадавыя распрацоўкі дэманструюць Мінскі трактарны завод, Мінскі аўтамабільны завод, Мінскі маторны завод, Брэсцкі электратэхнічны завод, ТАА «ЕАА-Спецстрою», ТАА «Белагра Бел».

Экспазіцыю Made in Belarus наведаў Міністр грамадскіх работ і жыллёвага будаўніцтва Сірыі Сухайль Абдэль Латыф. Ён азнаёміўся з прапановамі беларускіх прадпрыемстваў, даў рэкамендацыі па прасоўванні іх прадукцыі і паслуг на мясцовым рынку.

Экспазіцыю суправаджаюць мерапрыемствы дзелавой праграмы. Напярэдадні адкрыцця выставы прадстаўнікі беларускіх кампаній правялі перамовы з Надзвычайным і Паўнамоцным Паслом Рэспублікі Беларусь у Сірыйскай Арабскай Рэспубліцы Юрыем Слука, прадстаўніком БелГПП у Сірыі Рыядам Хамадам, кіраўніцтвам Федэрацыі гандлёва-прамысловых палат Сірыі, членамі Сірыйска-Беларускага Дзелавога савета. Удзельнікі беларускай экспазіцыі таксама наведалі найбуйнейшую ў Сірыі індустрыяльную зону Хасэ, дзе азнаёміліся з умовамі размяшчэння вытворчасці і прэзентавалі свае прапановы і паслугі для сірыйскага рынку.

Выстава Rebuild Syria працягне працу да 3 кастрычніка.