Экспазіцыя Belarus. The Taste of Nature на міжнароднай выставе UzFood 2024 у Ташкенце

26 сакавіка ў Ташкенце (Рэспубліка Узбекістан) пачала работу міжнародная выстава прадуктаў харчавання, інгрэдыентаў і тэхналогій вытворчасці UzFood, сфарміраваўшы пул удзельнікаў больш за 280 кампаній, якія прадстаўляюць 26 краін свету.

Сярод ганаровых гасцей цырымоніі адкрыцця – беларуская дэлегацыя на чале з Надзвычайным і Паўнамоцным Паслом Рэспублікі Беларусь у Рэспубліцы Узбекістан Леанідам Марынічам.

Беларускія прадпрыемствы традыцыйна прымаюць удзел у штогадовым форуме з прадстаўленнем шырокага асартыменту прадукцыі ў рамках тэматычнай экспазіцыі Belarus. The Taste of Nature, арганізаванай выставачным прадпрыемствам «Белінтэрэкспа» Беларускай гандлёва-прамысловай палаты.

У рамках 23-й міжнароднай выставы UzFood 2024 беларускія кампаніі экспануюць таварныя лінейкі мясной і малочнай прадукцыі, сыры, сокі і дэсерты. У экспазіцыі Belarus. The Taste of Nature удзельнічаюць 15 беларускіх прадпрыемстваў і іх філіялаў, якія прадстаўляюць вядомыя айчынныя брэнды, у тым ліку Брэсцкі, Пінскі, Слонімскі, Гродзенскі, Ваўкавыскі мясакамбінаты, Глыбоцкі малочнакансервавы камбінат, Бярозаўскі мясакансервавы камбінат, Кобрынскі масларобна-сыраробны завод, Лунінецкі малочны завод, Слуцкі сыраробны камбінат, ТДА «фірма ABC», кампанія «КАМАКА ПЛЮС».

У рамках правядзення экспазіцыйнага форуму UzFood 2024 арганізатарамі запланаваны серыі перагавораў з удзелам беларускіх і замежных кампаній, прадстаўнікоў бізнес-супольнасці і профільных дэлегацый.