Экспазіцыя Belarus – The Taste of Nature на выставе InterFood Astana

Экспазіцыя беларускіх вытворцаў пад брэндам Belarus – The Taste of Nature прадстаўлена на Казахстанскай міжнароднай выставе «Прадукты харчавання, напоі, інгрэдыенты, упакоўка і абсталяванне для харчовай прамысловасці» (InterFood Astana), якая адкрылася ў Астане 31 мая.

Беларуская экспазіцыя арганізавана выставачным прадпрыемствам «Белінтэрэкспа» Беларускай гандлёва-прамысловай палаты.

InterFood Astana – традыцыйнае месца сустрэчы спецыялістаў з розных краін у галіне харчовай, перапрацоўчай і упаковачнай індустрыі. У гэтым годзе больш за 70 кампаній з Арменіі, Беларусі, В'етнама, Германіі, Казахстана, Кітая, Малайзіі, Расіі і Узбекістана прадстаўляюць на сваіх стэндах навінкі прадуктовых партфеляў, інавацыі ў галіне харчовай прамысловасці, напіткі, інгрэдыенты і сучасныя тэхналогіі ўпакоўкі.

Беларуская экспазіцыя прэзентуе разнастайныя прадукты ад Ваўкавыскага, Гродзенскага, Слонімскага мясакамбінатаў і СП ААТ «Спартак»: каўбасныя вырабы, мясныя паўфабрыкаты, кандытарскія вырабы і іншыя.

Беларускі стэнд у дзень адкрыцця выставы наведаў Надзвычайны і Паўнамоцны Пасол Рэспублікі Беларусь у Рэспубліцы Казахстан Павел Уцюпін.

У рамках выставы арганізавана дзелавая праграма, якая ўключае канферэнцыі, прэзентацыі, майстар-класы і дэгустацыі прадуктовых лінеек. Па традыцыі на InterFood Astana працуе Ретейл-Дыстрыбутар-Цэнтр – спецыялізаваная пляцоўка для сустрэч пастаўшчыкоў прадуктаў харчавання з прадстаўнікамі гандлёвых сетак і дыстрыбутарамі Казахстана.

Экспазіцыя Belarus – The Taste of Nature на выставе InterFood Astana будзе працаваць да 2 чэрвеня.