Экспазіцыя Belarus – The Taste of Nature на выставе UzFood у Ташкенце

28–30 сакавіка ў Ташкенце (Рэспубліка Узбекістан) праходзіць буйная выставачная падзея ў сферы харчовай прамысловасці – XXII міжнародная выстаўка «Прадукты харчавання, інгрэдыенты і тэхналогіі вытворчасці – UzFood». Беларусь прадстаўляе маштабную экспазіцыю з удзелам больш за 20 вытворцаў харчовай прадукцыі.

Арганізатар экспазіцыі Belarus – The Taste of Nature – выставачнае прадпрыемства «Белінтэрэкспа» Беларускай гандлёва-прамысловай палаты. Экспазіцыя праводзіцца пры падтрымцы Міністэрства сельскай гаспадаркі і харчавання Рэспублікі Беларусь і Пасольства Рэспублікі Беларусь у Рэспубліцы Узбекістан.

28 сакавіка адбылося адкрыццё выставы і беларускага павільёна. У цырымоніі адкрыцця экспазіцыі Belarus – The Taste of Nature прынялі ўдзел намеснік Міністра – дырэктар дэпартамента ветэрынарнага і харчовага нагляду Міністэрства сельскай гаспадаркі і харчавання Рэспублікі Беларусь Іван Смільгінь, намеснік Міністра сельскай гаспадаркі Рэспублікі Узбекістан Умід Мамадамінаў, Надзвычайны і Паўнамоцны Пасол Рэспублікі Беларусь ва Узбекістане Леанід Марыніч, генеральны дырэктар холдынгу «Гроднамясамалпрам» Валяр'ян Клім, першы намеснік генеральнага дырэктара канцэрна «Брэстмясамалпрам» Аляксей Сцепановіч, намеснік дырэктара выставачнага прадпрыемства «Белінтэрэкспа» Андрэй Шахановіч.

Экспазіцыю Беларусі на выставе адрознівае разнастайнасць прадстаўленых напрамкаў і прадуктаў харчавання.

Канцэрн «Белдзяржхарчпрам» прадстаўляе прадукцыю кандытарскіх фабрык «Камунарка», «Спартак» і «Чырвоны харчавік». Шырока прадстаўлены мясаперапрацоўчыя прадпрыемствы і вытворцы малочнай прадукцыі, якія ўваходзяць у склад холдынгу «Гроднамясамалпрам» і канцэрна «Брэстмясамалпрам».

Мясную прадукцыю дэманструюць Брэсцкі, Пінскі, Слонімскі, Ваўкавыскі, Гродзенскі і Ашмянскі мясакамбінаты. Малочны сегмент прадстаўлены Кобрынскім масларобна-сыраробным заводам, Мінскім маргарынавым заводам, Лунінецкім малочным заводам, Лідскім малочна-кансервавым камбінатам, кампаніямі «Малочны свет», «Малочны гасцінец» і Мінскім малочным заводам № 1.

Хлебабулачныя вырабы дэманструе ААТ «Берасцейскі пекар», а кампанія «Беллакт» прывезла прадукты для дзіцячага харчавання.

На выставе таксама прадстаўлена прадукцыя ААТ «Маларыцкі кансерваваагароднінасушыльны камбінат» і ААТ «Лідскія харчовыя канцэнтраты».

У дзень адкрыцця выставы адбыўся Узбекска-Беларускі бізнес-форум, удзел у якім прынялі больш за 50 кіраўнікоў і прадстаўнікоў дзяржаўных органаў і дзелавых колаў дзвюх краін.

На мерапрыемстве разгледжаны пытанні двухбаковага супрацоўніцтва ў галіне сельскай гаспадаркі і харчавання. Прадстаўлена інфармацыя аб харчовым патэнцыяле Рэспублікі Беларусь, а таксама прадэманстраваны прэзентацыі экспартнага патэнцыялу Брэсцкай і Гродзенскай абласцей. Пасля завяршэння мерапрыемства дзелавыя колы дзвюх краін прадоўжылі работу ў фармаце B2B-перагавораў, якія асобны адбыліся і на стэндах беларускіх прадпрыемстваў.

Штогод выставу UzFood суправаджае насычаная дзелавая праграма: Рытэйл-цэнтр (спецыялізаваная пляцоўка для сустрэч вытворцаў прадуктаў харчавання з закупшчыкамі, рытэйлерамі і дыстрыбутарамі), семінары і майстар-класы ўдзельнікаў.