Экспазіцыя Made in Belarus на выставе Caspian Oil & Gas 2023 у Баку

Прадпрыемствы беларускай нафтагазавай галіны ў рамках экспазіцыі Made in Belarus прымаюць удзел у міжнароднай выставе Caspian Oil & Gas, якая праходзіць 31 мая – 2 чэрвеня ў сталіцы Азербайджана – Баку.

Арганізатар беларускай экспазіцыі – выставачнае прадпрыемства «Белінтэрэкспа» Беларускай гандлёва-прамысловай палаты.

Выстава Caspian Oil & Gas ужо 28 гадоў збірае вядучых прадстаўнікоў нафтагазавай галіны з усяго свету. Пачынаючы з мінулага года мерапрыемства праходзіць у рамках Бакінскага энергетычнага тыдня. Беларусь з'яўляецца пастаянным удзельнікам Caspian Oil & Gas і прадстаўляе перадавыя распрацоўкі ў галіне вытворчасці нафтахімічнай прадукцыі.

У рамках афіцыйнай цырымоніі адкрыцця выставы беларускі стэнд наведаў Прэзідэнт Азербайджанскай Рэспублікі Ільхам Аліеў.

У экспазіцыі Made in Belarus удзельнічаць Беларускі дзяржаўны канцэрн па нафце і хіміі «Белнафтахім», ААТ «Нафтан», ААТ «Гродна Азот», філіял «Завод Хімвалакно» ААТ «Гродна Азот», ААТ «Мазырскі нафтаперапрацоўчы завод», ААТ «Завод горнага воску».

Удзельнікі дэманструюць перадавыя тэхналогіі ў галіне нафтаперапрацоўкі, вытворчасці нафтахімічнай прадукцыі і нафтагазавай эксплуатацыі, якія зніжаюць шкоднае ўздзеянне на навакольнае асяроддзе і павышаюць энергаэфектыўнасць, а таксама поліэтылен, хімічныя валокны, маслы, парафіны, мадэльныя саставы, змазкі, змешаныя ўгнаенні, ніці і кампазіцыйныя матэрыялы.

Прэзентацыя такога шырокага спектра нафтахімічнай прадукцыі падкрэслівае ролю Беларусі ў галіне і пацвярджае імкненне краіны пашырыць сваю прысутнасць і адкрыць новыя магчымасці ў нафтагазавай сферы.

УП «Белінтэрэкспа» сумесна з канцэрнам «Белнафтахім» таксама прымуць удзел у калектыўнай экспазіцыі Made in Belarus на міжнароднай выставе пражы і валакна International Istanbul Yarn Fair, якая пройдзе 1–3 чэрвеня ў Стамбуле (Турцыя). Удзельнікі экспазіцыі Made in Belarus прадставяць розныя віды валокнаў, нітак і матэрыялаў, якія выкарыстоўваюцца ў тэкстыльнай, трыкатажнай і швейнай прамысловасці.