Культурная праграма для ўдзельнікаў сумеснага мерапрыемства гандлёва-прамысловых палат Рэспублікі Беларусь і Расійскай Федэрацыі

Віцебск сустракае ўдзельнікаў сумеснага мерапрыемства гандлёва-прамысловых палат Рэспублікі Беларусь і Расійскай Федэрацыі на тэму «Раскрыццё патэнцыялу інавацыйнага супрацоўніцтва Расіі і Беларусі – вектар тэхналагічнага развіцця і росту», якое адбудзецца заўтра, 27 чэрвеня, у рамках XI Форуму рэгіёнаў Беларусі і Расіі.

Напярэдадні мерапрыемства госці з рэгіёнаў Расіі і прадстаўнікі бізнес-колаў Беларусі, у тым ліку кіраўнікі абласных унітарных прадпрыемстваў Беларускай гандлёва-прамысловай палаты, пазнаёміліся з унікальнымі культурнымі і гістарычнымі аб'ектамі Віцебшчыны.

Госці рэгіёна наведалі найстаражытнейшы горад Беларусі, Полацк, і яго галоўныя славутасці – знакаміты Сафійскі сабор і Спаса-Ефрасіннеўскі манастыр, Полацкі езуіцкі калегіум, азнаёміліся з творамі мастацтва, прадстаўленымі ў Мастацкай галерэі Нацыянальнага Полацкага гісторыка-культурнага музея-запаведніка.