Удзел намесніка старшыні БелГПП Д.Мялешкіна ў навукова-даследчым семінары Акадэміі кіравання пры Прэзідэнце Рэспублікі Беларусь

Намеснік старшыні Беларускай гандлёва-прамысловай палаты Дзяніс Мялешкін прыняў удзел у навукова-даследчым семінары «Прасоўванне экспарту Рэспублікі Беларусь ва ўмовах санкцыйнай палітыкі Захаду», які быў арганізаваны Акадэміяй кіравання пры Прэзідэнце Рэспублікі Беларусь для магістрантаў спецыяльнасці «Дзяржаўнае кіраванне і эканоміка».

Парадак семінара ўключаў у сябе даклады, прысвечаныя стану і перспектывам гандлёвага супрацоўніцтва Беларусі і Кітая ва ўмовах санкцый, перспектывам перанакіравання экспартных патокаў беларускай харчовай прадукцыі у краіны далёкага замежжа, трансфармацыі знешнеэканамічнай дзейнасці ва ўмовах пераходзячы на лічбавую эканоміку і многаму іншаму.

Прадстаўнік кіраўніцтва БелГПП выступіў з дакладам на тэму «proБизнес ва ўмовах санкцый»: інструменты БелГПП», у якім распавёў пра дзейнасць Беларускай гандлёва-прамысловай палаты, яе новыя механізмы і формы падтрымкі беларускага бізнэсу у рэжыме санкцыйных абмежаванняў, падзяліўся вынікамі распрацоўкі новай паслугі – «санкцыйны камлаенс», а таксама патлумачыў бачанне БелГПП па пытаннях падтрымкі прамысловай кааперацыі краін ЕАЭС.

У прыватнасці, Дзяніс Мялешкін адзначыў, што прадпрымальніцкая супольнасць Беларусі з-за санкцыйнага ціску трапіла у новую рэальнасць, якая дыктуе свае правілы. Гэта разрыў лагістычных і кааперацыйных ланцужкоў, ускладненне мытных працэдур або поўная забарона на экспарт (імпарт) прадукцыі, немагчымасць правядзення плацяжоў па знешнеэканамічных здзелках, закрыццё асвоеных рынкаў збыту. «У мэтах мінімізацыі негатыўнага ўплыву абмежавальных мер і аказання практычнай дапамогі прадпрыемствам намі ў ініцыятыўным парадку у красавіку 2022 года была створана спецыялізаваная інфармацыйная платформа «proбізнес ва ўмовах санкцый». Гэта рэсурс, які дае доступ да комплекснай кансультацыйнай, інфармацыйнай і прававой падтрымцы па розных напрамках. Платформа ўключае 16 раздзелаў, прысвечаных як пошуку новых рынкаў збыту і камерцыйных прапаноў, патэнцыйных бізнес-партнёраў, пытанням выканання абавязацельстваў па ўжо заключаных знешнеэканамічных дагаворах, так і механізмам прававой абароны – агульнадзяржаўным мерам падтрымкі бізнесу, сведчанню абставін непераадольнай сілы. Інфармацыйная платформа «proБизнес ва ўмовах санкцый» дасць магчымасць айчынным прадпрыемствам максімальна скарыстацца рознымі нефінансавымі інструментамі падтрымкі экспарту, якія забяспечвае БелГПП, знайсці дадатковыя магчымасці яго дыверсіфікацыі і прасоўвання прадукцыі на новых рынках», – расказаў намеснік старшыні БелГПП.