Удзел намесніка старшыні БелГПП Д.Мялешкіна ў Еўразійскім эканамічным форуме ў Бішкеку

26 мая ў Бішкеку (Кыргызская Рэспубліка) адбыўся Еўразійскі эканамічны форум, прысвечаны тэме «Еўразійская эканамічная інтэграцыя ў эпоху глабальных змен. Новыя магчымасці інвестыцыйнай актыўнасці».

Праграма форуму ўключала пленарнае пасяджэнне з удзелам кіраўнікоў дзяржаў Еўразійскага эканамічнага саюза, а таксама 21 тэматычную сесію па пытаннях прамысловай кааперацыі, электроннага гандлю, развіцця транспартнай і энергетычнай інфраструктуры і іншых напрамкаў супрацоўніцтва ў ЕАЭС, а таксама правядзенне выстаўкі найлепшых аграпрамысловых тавараў Саюза.

У рамках дзелавой праграмы форуму намеснік старшыні БелГПП Дзяніс Мялешкін выступіў на пасяджэнні панэльнай сесіі «Асноўныя напрамкі прамысловага супрацоўніцтва: ключавыя трэнды, інструменты рэалізацыі, выклікі і рызыкі». У сваім выступленні Д.Мялешкін адзначыў неабходнасць укаранення ў ЕАЭС на наднацыянальным узроўні механізмаў фінансавання кааперацыйных праектаў у рэальным сектары, а таксама ўнёс прапановы беларускага бізнесу ў парадак дня далейшай работы Еўразійскай эканамічнай камісіі.

У прыватнасці, беларускім бокам унесены прапановы аб неабходнасці гарманізацыі заканадаўства краін ЕАЭС у галіне субсідзіравання прадукцыі машынабудавання, аб прапрацоўцы пытання па ўвядзенню ў ЕАЭС утылізацыйнага збору на замежную спецыяльную тэхніку, а таксама аб рэалізацыі прынцыпу надзейных партнёрскіх адносін ва ўмовах ціску заходніх краін адносна Беларусі і Расіі.

На палях форуму таксама адбылася сустрэча кіраўнікоў гандлёва-прамысловых палат дзяржаў – членаў ЕАЭС. У ходзе сустрэчы абмеркаваны праблемныя пытанні лагістыкі і трансгранічнага перамяшчэння тавараў, прапановы па спрашчэнню сістэмы фінансавых разлікаў, а таксама пытанні развіцця міжпалацкага ўзаемадзеяння ў ЕАЭС.

У ходзе візіту ў Бішкек намеснік старшыні БелГПП прыняў удзел у сустрэчы намесніка старшыні Кабінета міністраў Кыргызскай Рэспублікі Бакыта Тарабаева з кіраўнікамі гандлёва-прамысловых палат дзяржаў – членаў ЕАЭС. На сустрэчы прысутнічалі прэзідэнт гандлёва-прамысловай палаты Кыргызскай Рэспублікі Марат Шаршэкееў, прэзідэнт гандлёва-прамысловай палаты Расійскай Федэрацыі Сяргей Катырын, старшы віцэ-прэзідэнт гандлёва-прамысловай палаты Кыргызскай Рэспублікі Раман Касымаў, віцэ-прэзідэнт гандлёва-прамысловай палаты Расійскай Федэрацыі Уладзімір Падалка, віцэ-прэзідэнт гандлёва-прамысловай палаты Рэспублікі Татарстан Марат Ахматаў.

У ходзе сустрэчы разгледжаны пытанні пашырэння гандлёва-эканамічных адносін краін Еўразійскага эканамічнага саюза, а таксама шэраг праектаў у розных сектарах эканомікі, у тым ліку па развіццю транспартных зносін.

На выставе найлепшых аграпрамысловых тавараў ЕАЭС была прадстаўлена экспазіцыя беларускіх прадпрыемстваў харчовай прамысловасці.

Беларускі павільён наведаў Старшыня Калегіі Еўразійскай эканамічнай камісіі Міхаіл Мясніковіч.