Удзел старшыні БелГПП У.Улаховіча у пасяджэнні праўлення і гадавым сходзе членаў Ініцыятывы «Лісабон – Уладзівасток»

Старшыня Беларускай гандлёва-прамысловай палаты Уладзімір Улаховіч у рэжыме відэаканферэнцыі прыняў удзел у пасяджэнні праўлення і выніковым гадавым сходзе членаў ініцыятывы «Адзіная эканамічная прастора ад Лісабона да Уладзівастока» («Лісабон – Уладзівасток»).

Члены праўлення падвялі вынікі працы ў 2021 годзе, абмеркавалі планы і задачы на 2022 год, вызначылі асноўныя напрамкі далейшага развіцця Ініцыятывы і дзейнасці шасці спецыялізаваных рабочых груп.

Звяртаючыся да ўдзельнікаў пасяджэння, Уладзімір Улаховіч адзначыў, што ў цяперашні час праца Ініцыятывы павінна быць накіравана на падтрымку бізнес-супольнасці, аказанне прадпрыемствам ЕС і ЕАЭС рэальнай практычнай дапамогі па пераадоленні існуючых бар'ераў і перашкод ва ўзаемным гандлі, стварэнне спрыяльных умоў для ўмацавання супрацоўніцтва.

У працяг пасяджэння праўлення адбыўся гадавы сход Ініцыятывы, у якім у анлайн- і афлайн-фармаце прынялі ўдзел больш за 100 кіраўнікоў і прадстаўнікоў кампаній і бізнес-асацыяцый – членаў Ініцыятывы. Старшыня праўлення, прэзідэнт групы кампаній SCHNEIDER GROUP Ульф Шнайдэр прадставіў вынікі дзейнасці Ініцыятывы і стратэгічныя задачы на бліжэйшы перыяд.

У завяршэнне сходу чатыры арганізацыі, у тым ліку офіс прадстаўніка БелГПП у Іспаніі Давіда Фігераса, падпісалі мемарандум аб далучэнні да Ініцыятывы.