Сустрэча дэлегацыі Аршанскага раёна ў ГПП Санкт-Пецярбурга

         21 сакавіка ў рамках візіту ў Санкт-Пецярбург дэлегацыі дзелавых колаў Аршанскага раёна Віцебскім аддзяленнем БелГПП і Санкт-Пецярбургскай гандлёва-прамысловай палатай арганізаваны прэзентацыя эканамічнага і прамысловага патэнцыялу аршанскіх прадпрыемстваў, дзелавая сустрэча з прадстаўнікамі расійскага бізнесу, а таксама В2В-перагаворы.

У мерапрыемстве прынялі ўдзел прэзідэнт Санкт-Пецярбургскай ГПП Уладзімір Кацянёў, віцэ-прэзідэнт Кацярына Лебедзева, намеснік генеральнага дырэктара Віцебскага аддзялення БелГПП Андрэй Разноўскі, першы намеснік старшыні Аршанскага райвыканкама Сяргей Пац, кіраўнікі і спецыялісты 14 беларускіх прадпрыемстваў. Цікавасць да перагавораў з вядучымі прадпрыемствамі Аршанскага раёна абазначылі прадстаўнікі больш як 40 расійскіх арганізацый і прадпрыемстваў розных відаў дзейнасці. Акрамя таго, удзел у мерапрыемстве прынялі прэзідэнт Расійска-Кітайскага бізнес-парку г-н Чэнь Чжыган, а таксама прадстаўнікі бізнесу Шанхая.

Удзельнікі перагавораў абмеркавалі магчымасці супрацоўніцтва з улікам узаемных інтарэсаў беларускіх і расійскіх кампаній.

Візіт беларускай дэлегацыі арганізаваны ў рамках развіцця ўзаемадзеяння паміж Чырвонагвардзейскім раёнам Санкт-Пецярбурга і Аршанскім раёнам Віцебскай вобласці.