Сустрэча з дэлегацыяй Кітайскай асацыяцыі развіцця міжнароднага супрацоўніцтва

У Беларускай гандлёва-прамысловай палаце адбылася сустрэча начальніка дэпартамента міжнароднага супрацоўніцтва і выставачнай дзейнасці Аляксандра Галаварова з прадстаўнікамі Кітайскай асацыяцыі развіцця міжнароднага супрацоўніцтва і бізнес-супольнасці КНР.

У ходзе сустрэчы разгледжаны магчымасці пашырэння партнёрства беларускіх і кітайскіх прадпрыемстваў і арганізацый. Прадстаўнікі дзелавых колаў Кітая выказалі зацікаўленасць у экспарце ў Беларусь гарбаты, імпарце беларускай мясамалочнай, сельскагаспадарчай прадукцыі, угнаенняў, а таксама ў развіцці ўзаемадзеяння з беларускімі кампаніямі ў сферах выкарыстання альтэрнатыўных крыніц энергіі, дрэваапрацоўкі і іншых.