Выязное пасяджэнне Праектнага офіса па падтрымцы прамысловай кааперацыі ў ЕАЭС

У Беларускай гандлёва-прамысловай палаце адбылося выязное пасяджэнне Праектнага офіса па падтрымцы прамысловай кааперацыі ў Еўразійскім эканамічным саюзе. У пасяджэнні прынялі ўдзел намеснік старшыні БелГПП Дзяніс Мялешкін, прадстаўнікі Праектнага офіса – віцэ-прэзідэнт гандлёва-прамысловай палаты Расійскай Федэрацыі Дзмітрый Курачкін і саветнік прэзідэнта Асацыяцыі «Росспецмаш» Анастасія Астахава, а таксама прадстаўнікі гандлёва-прамысловых палат дзяржаў – удзельніц ЕАЭС, Еўразійскай эканамічнай камісіі, фінансавых інстытутаў.

Рэалізацыя механізму фінансавага садзейнічання прамысловай кааперацыі ў ЕАЭС – гэта тэма стала галоўнай для ўдзельнікаў пасяджэння, якія прысутнічалі у зале БелГПП і анлайн. Выступанцы абмеркавалі ключавыя напрамкі і стратэгіі развіцця прамысловага сектара ў рамках інтэграцыйнага аб'яднання, а таксама праекты па стварэнні новых прампляцовак з удзелам прадпрыемстваў краін – удзельніц ЕАЭС. Асаблівая ўвага ўдзелена пытанням інавацый і цыфравізацыі прамысловасці, што з'яўляецца ключавым фактарам у дасягненні тэхналагічнага лідэрства на міжнароднай арэне.

Напярэдадні пасяджэння дэлегацыя Праектнага офіса ад Расійскай Федэрацыі наведала беларускія прадпрыемствы і арганізацыі, у ліку якіх ААТ «Інтэграл», Мінскі гарадскі тэхнапарк, ААТ «Белшына», ААТ «МАЗ», а таксама ТАА «Альфа Арыён», ТАА «Лабфарма», ТАА «Сайнс Салюшнс», ТАА «Інкат Продакт Дэвелапмент». Арганізаваныя Мінскім аддзяленнем БелГПП сустрэчы на прадпрыемствах далі гасцям магчымасці атрымаць больш дэталёвую карціну аб гатоўнасці сумесных праектаў у прамысловасці з удзелам прадпрыемстваў краін Саюза, тэрмінах і ўмовах іх рэалізацыі, а таксама знайсці новыя напрамкі ўзаемадзеяння па лініі развіцця прамысловай кааперацыі ў цэлым.