Выстава «Беларусь ЭКСПА» у Грозным

28–30 ліпеня ў Грозным (Чачэнская Рэспубліка Расійскай Федэрацыі) праходзіць маштабная выстава беларускіх тавараў і паслуг «Беларусь ЭКСПА». У мерапрыемстве прымаюць удзел 29 прамысловых прадпрыемстваў, якія прадстаўляюць найбольш запатрабаваную для гэтага рэгіёну прадукцыю. Да выставы прымеркаваны афіцыйны візіт у Чачэнскую Рэспубліку прадстаўнічай бізнес-дэлегацыі з Беларусі: кіраўнікоў профільных міністэрстваў і ведамстваў, дырэктараў буйных кампаній.

У цырымоніі адкрыцця выставы прынялі ўдзел намеснік старшыні Урада Чачэнскай Рэспублікі Хасан Хакімаў, Міністр прамысловасці і энергетыкі Чачэнскай Рэспублікі Адам Хакімаў, старшыня Дзяржаўнага ваенна-прамысловага камітэта Рэспублікі Беларусь Дзмітрый Пантус, намеснік Міністра прамысловасці Рэспублікі Беларусь Дзмітрый Харытончык, намеснік старшыні Беларускай гандлёва-прамысловай палаты Дзяніс Мялешкін.

У рамках выставы адбылося падпісанне «дарожнай карты» паміж Рэспублікай Беларусь і Чачэнскай Рэспублікай па супрацоўніцтве ў сферы прамысловасці, транспарту і жыллёва-камунальнай гаспадаркі.

Экспазіцыя «Беларусь ЭКСПА» ў Грозным уключае дзве групы прадукцыі. Першую прадстаўляюць прадпрыемствы Міністэрства прамысловасці («Амкадор», «БАТЭ», «БЕЛАЗ», «Белкамунмаш», «Гомсельмаш», «Лідсельмаш», Мінскі аўтамабільны завод, Мінскі трактарны завод, Мінскі маторны завод, Мінскі маторны завод імя С.І. Вавілава, Беларускі металургічны завод, Магілёўскі металургічны завод, Рэчыцкі метызны завод, Мінскі падшыпнікавы завод і «Магілёўліфтмаш»), другую – прадпрыемствы канцэрна «Беллегпрам» («БВБА», «Віцебскія дываны», «Галантэя», Добрушскі фарфоравы завод, «Калінка», «Камволь», «Стужка», «Магатэкс», Аршанскі льнокамбінат, «Палессе», «Світанак» і «Славянка»).

Беларускія вытворцы дэманструюць прадукцыю машынабудавання, металапрадукцыю, аўтакампаненты, макеты аўтамабільных парковак, ліфты і ліфтавае абсталяванне, дызель-генератары, кампрэсарныя станцыі, бытавую тэхніку, электрапрыборы ўліку газу, а таксама шырокую лінейку тавараў лёгкай прамысловасці: адзенне, абутак, хатні тэкстыль, вырабы з фарфору і іншае.

Арганізатар выставы – Дзяржаўны ваенна-прамысловы камітэт Рэспублікі Беларусь, выставачны аператар – выставачнае прадпрыемства «Белінтэрэкспа» БелГПП. Выстаўка праходзіць пры падтрымцы аддзялення Пасольства Рэспублікі Беларусь у Расійскай Федэрацыі ў Растове-на-Доне.