Прававое забеспячэнне знешнеэканамічнай дзейнасці

Разуменне ўмоў доступу канкрэтнага тавару на рынак краіны яго прызначэння для экспартна арыентаванага прадпрыемства (як рэзідэнта, так і нерэзідэнта) з’яўляецца важным этапам пры ацэнцы магчымасцей выхаду на новыя рынкі збыту.

У рамках паслугі могуць быць прадастаўлены, у прыватнасці:

а) код товару па таварнай наменклатуры краіны прызначэння тавару;

б) звесткі пра:

• стаўку ўвазной (імпартнай) мытнай пошліны;
• стаўку вывазной (экспартнай) мытнай пошліны (пры яе наяўнасці);
• стаўку ПДВ краіны прызначэння тавару;
• іншыя падаткі (зборы), дзеючыя ў краіне прызначэння тавару і звязаныя з увозам гэтага тавару ў краіну прызначэння (пры іх наяўнасці);
• патрабаванні бяспекі тавару, ацэнкі адпаведнасці і стандартызацыі;
• патрабаванні да тары (упакоўкі) тавару, што прад’яўляюцца ў краіне прызначэння тавару;
• патрабаванні да маркіроўкі тавару, што прад’яўляюцца ў краіне прызначэння тавару;
• дзеючыя забароны (абмежаванні) пры ўвозе тавару ў краіну прызначэння, уключаючы колькасныя абмежаванні пры ўвозе тавару (квоты) (пры іх наяўнасці);

в) звесткі пра іншыя патрабаванні і (або) дакументы пры ўвозе/вывазе тавараў;

г) кантактную інфармацыю кампетэнтных органаў краіны прызначэння тавару і інш.

У выніку патрабаванняў міжнароднага і нацыянальнага заканадаўства, палажэнняў знешнеэканамічнага дагавора ў сваёй знешнеэканамічнай дзейнасці беларускім прадпрымальнікам даводзіцца складаць і прымяняць самыя розныя па сваёй форме і змесце дакументы.

Артыкулам 34 Канвенцыі ААН аб міжнародных дагаворах куплі-продажу тавараў (Вена, 1980 г.) прадугледжаны абавязак прадаўца перадаць пакупніку дакументы, якія адносяцца да тавару, у тэрмін, у месцы і ў форме, якія патрабуюцца ў адпаведнасці з дагаворам.

Падпунктамі 15 і 36 пункта 1 артыкула 2 Дагавора аб Мытным кодэксе Еўразійскага эканамічнага саюза вызначана, што:

• камерцыйныя дакументы – дакументы, якія выкарыстоўваюцца пры ажыццяўленні знешнегандлёвай і іншай дзейнасці, а таксама для пацвярджэння правядзення здзелак, звязаных з перамяшчэннем тавараў праз мытную граніцу Еўразійскага эканамічнага саюза (рахункі-фактуры (інвойсы), спецыфікацыі, адгрузачныя (упаковачныя) лісты і іншыя дакументы);
• транспартныя (перавозачныя) дакументы – дакументы, што пацвярджаюць наяўнасць дагавора перавозкі тавараў і суправаджаюць іх пры такой перавозцы (канасамент, накладная, дакумент, які пацвярджае заключэнне дагавора транспартнай экспедыцыі, і іншыя дакументы).

У міжнародным гандлі шырока распаўсюджана практыка, што атрымлівае сваё замацаванне ў знешнеэканамічных дагаворах, заключаемых беларускімі прадпрымальнікамі, прадстаўлення прадаўцом пакупніку дакументаў, якія пацвярджаюць якасць тавару.

Няправільна складзеныя дакументы, неабходныя для вядзення знешнеэканамічнай дзейнасці, могуць прыводзіць да прастою транспартнага сродку пры перавозцы грузу ў міжнародных зносінах, павелічэння тэрмінаў растаможвання грузу, павышэння мытных і падатковых плацяжоў і пошлін, арышту і далейшай канфіскацыі грузу мытнымі і іншымі кампетэнтнымі дзяржаўнымі органамі, а таксама іншых негатыўных наступстваў.

Каб не стваралася сітуацыя, калі памылкі ў дакументах, неабходных для вядзення знешнеэканамічнай дзейнасці, выяўляюцца ў самы нязручны момант, напрыклад, мытным органам у рахунку-фактуры (інвойсе) на стадыі мытнага афармлення грузу выяўляецца арыфметычная памылка, можна звяртацца ў БелГПП, спецыялісты якой дапамогуць своечасова і якасна скласці камерцыйныя, транспартныя і іншыя дакументы.

Невыкананне замежнымі контрагентамі сваіх абавязацельстваў па знешнеэканамічных дагаворах часта прыводзіць да таго, што беларускія суб'екты прадпрымальніцкай дзейнасці звяртаюцца ў Міжнародны арбітражны суд пры БелГПП і атрымліваюць рашэнне на карысць сабе.

Добра калі контрагент добраахвотна выканае вынесенае Міжнародным арбітражным судом пры БелГПП рашэнне. А калі не? Тады беларускаму суб'екту прадпрымальніцкай дзейнасці даводзіцца адказваць на пытанне, што ж у такім выпадку рабіць з рашэннем Міжнароднага арбітражнага суда пры БелГПП.

Разам з тым прызнанне і выкананне рашэнняў Міжнароднага арбітражнага суда пры БелГПП у замежных дзяржавах часта з'яўляецца праблемным.

Перш за ўсё таму, што не заўсёды існуе такая прававая магчымасць.

Акрамя таго, беларускія суб'екты прадпрымальніцкай дзейнасці не ведаюць нацыянальнага заканадаўства замежнай дзяржавы, у якой патрабуецца прызнанне і выкананне рашэнняў Міжнароднага арбітражнага суда пры БелГПП.

Беларуская гандлёва-прамысловая палата імкнецца ўсякім чынам садзейнічаць беларускім суб'ектам прадпрымальніцкай дзейнасці ў гэтым напрамку.

Спецыялісты БелГПП могуць пракансультаваць аб наяўнасці прававых падстаў для прызнання і выканання рашэнняў Міжнароднага арбітражнага суда пры БелГПП на тэрыторыі замежных дзяржаў.

Акрамя таго, можа прадастаўляцца існуючая ў распараджэнні БелГПП інфармацыя аб юрыдычных кампаніях, iншых юрыдычных або фізічных асобах, якія могуць аказваць дапамогу беларускім суб'ектам прадпрымальніцкай дзейнасці ў прызнанні і прывядзенні ў выкананне рашэнняў Міжнароднага арбітражнага суда пры БелГПП на тэрыторыі замежных дзяржаў.

Дзейнасць Еўразійскай эканамічнай камісіі накіравана на развіццё канкурэнцыі і недапушчэнне антыканкурэнтных паводзін, устанаўленне адзіных правіл вядзення бізнесу на ўсёй тэрыторыі Еўразійскага эканамічнага саюза.

У мэтах павышэння інфармаванасці бізнесу аб сваіх правах, наступствах парушэнняў і садзейнічання абароне яго правоў з дапамогай інструментаў антыманапольнага рэгулявання на трансгранічных рынках Еўразійскага эканамічнага саюза Беларуская гандлёва-прамысловая палата ажыццяўляе кансультаванне ў гэтай галіне.