Наведванне галоўнай харчовай выставы Турцыі-F ISTANBUL 2026

З 26 па 29 жніўня 2026 года ў дзелавым сэрцы Турцыі – г.Стамбуле – адбудзецца ключавая падзея года для прафесіяналаў харчовай галіны, перапрацоўкі і ўпакоўкі.

Выстава F Istanbul 2026 зноў аб’яднае вядучых вытворцаў, пастаўшчыкоў і дыстрыб'ютараў з усяго свету на пляцоўцы сучаснага Istanbul Expo Center.

100 000 м2 выставачных плошчаў;

700 + кампаній-экспанентаў з 18 краін;

дзясяткі тысяч наведвальнікаў з Еўропы, Азіі і Блізкага Усходу.

Гэта не проста выстава – гэта месца зборкі глабальных трэндаў у харчовай індустрыі, месца, дзе нараджаецца партнёрства і заключаюцца кантракты.

Наведвальнікі змогуць пазнаёміцца з найноўшымі рашэннямі ў сферах:

- тэхналогіі перапрацоўкі, вытворчасці і ўпакоўкі прадуктаў харчавання і напояў;

- упаковачнае абсталяванне і сучасныя матэрыялы;

- аўтаматызацыя вытворчасці кандытарскіх і хлебабулачных вырабаў;

- апрацоўка і ўпакоўка сушанай садавіны, арэхаў і снэкаў;

- гатовая прадукцыя – ад мукі і выпечкі да шакаладу, дабавак і FMCG.

Мы запрашаем беларускія прадпрыемствы скарыстацца ўнікальнай магчымасцю ўвайсці ў арганізаваную дзелавую групу і атрымаць поўны комплекс паслуг “пад ключ”.

Кошт удзелу ў праграме дзелавога візіту фарміруецца па меры камплектавання групы і прадастаўляецца прадпрыемствам па запыце.

У кошт арганізацыйнага збору ўключаны распрацоўка праграмы, агульная каардынацыя праекта, садзейнічанне ў рэгістрацыі ў International Buyer Program, арганізацыя B2B-сустрэч, падбор варыянтаў пералёту і пражывання, трансферы ў Стамбуле (гатэль – выставачны цэнтр – гатэль), суправаджэнне групы. Дадаткова аплачваюцца: авіяпералёт, пражыванне ў гатэлі (за выключэннем опцый, якія пакрываюцца баерскай праграмай у Стамбуле), сутачныя выдаткі.

Выстава праходзіць у пік летняга сезону, калі попыт на авіябілеты і гасцініцы максімальны. Каб гарантаваць прамыя рэйсы і камфортнае размяшчэнне, заяўкі прымаюцца да 17 ліпеня 2026 года ўключна.

Для ўдзелу ў візіце неабходна прайсці анлайн-рэгістрацыю.

Кантактная інфармацыя: +375 (17) 371-07-80, +375 (44) 756-57-96, e-mail: eet@tppm.by.

Падрабязнасці пра выставу: www.f-istanbul.com.