Экспазіцыя “Беларусь – смак прыроды” на выставе Interfood Azerbaijan у Баку

Экспазіцыя “Беларусь – смак прыроды” прадстаўлена на выставе Interfood Azerbaijan, якая адкрылася ў Баку 10 чэрвеня. Арганізатар экспазіцыі – выставачнае прадпрыемства “Белінтэрэкспа” Беларускай гандлёва-прамысловай палаты.

У беларускай экспазіцыі бяруць удзел 16 вытворцаў мясной, малочнай і кандытарскай прадукцыі, напояў і абсталявання для харчовай прамысловасці: канцэрн “Брэстмясамалпрам” і яго падведамасныя прадпрыемствы Брэсцкі мясакамбінат, Кобрынскі масларобна-сыраробны завод, Лунінецкі малочны завод, а таксама Пінскі мясакамбінат, Пружанскі малочны камбінат, холдынг “Бабушкіна крынка”, ААТ “Малочны мір”, Слуцкі сыраробны камбінат, Магілёўскі мясакамбінат, холдынг “Мінск Крышталь”, кандытарская фабрыка “Спартак”, ААТ “Гандальмаш”, холдынг “Гомельская мяса-малочная кампанія” і падведамасныя яму Калінкавіцкі мясакамбінат і Калінкавіцкі малочны камбінат.

У першы дзень работы выставы беларускую экспазіцыю наведалі Міністр сельскай гаспадаркі Азербайджанскай Рэспублікі Інам Керымаў і Надзвычайны і Паўнамоцны Пасол Рэспублікі Беларусь у Азербайджанскай Рэспубліцы Андрэй Раўкоў. Госці прадэгуставалі беларускую прадукцыю і высока ацанілі яе якасць.
Экспазіцыю суправаджаюць мерапрыемствы дзелавой праграмы: перагаворы, семінары, бізнес-сустрэчы. Ключавой падзеяй стаў семінар “Азербайджан – Беларусь: перспектывы супрацоўніцтва”, на якім выступіў з прывітальным словам Надзвычайны і Паўнамоцны Пасол Беларусі ў Азербайджане, прагучалі даклады і практычныя рэкамендацыі ад прадстаўнікоў кіраўніцтва Нацыянальнай канфедэрацыі прадпрымальнікаў Азербайджана, Агенцтва садзейнічання экспарту AzPromo, Агенцтва харчовай бяспекі, Агенцтва развіцця малога і сярэдняга прадпрымальніцтва, буйной гандлёвай сеткі Favorit Market і сеткі магазінаў Belaruski.

Interfood Azerbaijan – першая выстава, якая праходзіць у Азербайджане з пачатку пандэміі. У мерапрыемстве ўдзельнічае каля 300 кампаній з 28 краін. Выставу традыцыйна наведвае Прэзідэнт Азербайджанскай Рэспублікі Ільхам Аліеў.
Выстава прадоўжыць работу да 12 чэрвеня ўключна.