Міхаіл Мятлікаў правёў лекцыю для студэнтаў Акадэміі кіравання пры Прэзідэнце Рэспублікі Беларусь

Старшыня БелГПП расказаў будучым кіраўнікам аб дзейнасці Беларускай гандлёва-прамысловай палаты ў нарошчванні экспарту беларускіх тавараў.

– У нашай краіне створана стройная сістэма падтрымкі экспарту: фінансавая і нефінансавая. Фінансавая трымаецца на трох «кітах» – Указах Прэзідэнта Рэспублікі Беларусь № 466, 534 і 412. Што датычыцца нефінансавай падтрымкі, то пастановай Савета Міністраў Рэспублікі Беларусь ад 24 ліпеня 2023 года № 474-дсп вызначаны спецыялізаваныя інстытуты садзейнічання экспарту, сярод якіх і БелГПП.

 Асноўныя інструменты Палаты:

 • арганізацыя выставачна-кірмашовых мерапрыемстваў;

• правядзенне дзелавых візітаў, місій, арганізацыя прэзентацый;

• арганізацыя кангрэсаў, канферэнцый па актуальных знешнеэканамічных тэмах, бізнес-форумаў і B2B-сустрэч;

• міжнароднае супрацоўніцтва Палаты – пасяджэнні дзелавых саветаў, узаемадзеянне з замежнымі партнёрамі БелГПП і прадстаўнікамі БелГПП у замежных краінах;

• прававое садзейнічанне экспарцёрам;

• афармленне сертыфіката на вырабленую прадукцыю і інш.

Міхаіл Мятлікаў, падрабязна расказваючы аб кожным напрамку, адзначыў, што па папярэдніх выніках выставачных мерапрыемстваў за мяжой прадпрыемствамі-экспанентамі падпісана дакументаў аб супрацоўніцтве на агульную суму 45 млн рублёў. У 2024 годзе БелГПП арганізавала 90 дзелавых візітаў за мяжу і 80 бізнес-місій у Беларусь, фактычна 3 мерапрыемствы ў тыдзень.

Таксама БелГПП працягвае праводзіць верыфікацыю беларускіх тавараў, якія размяшчаюцца ў інтэрнэт-крамах Wildberries і Ozon. На сённяшні дзень верыфікавана 14611 тавараў.

Лекцыя працягнулася адкрытым дыялогам. Студэнты цікавіліся, якія новыя ініцыятывы будзе праводзіць БелГПП для павелічэння экспарту беларускіх тавараў на міжнародных рынках, якім чынам змянілася праца БелГПП з прыходам санкцый і пандэміі, як выбудаваны механізм падтрымкі моладзі ў Палаце і якія перспектывы супрацоўніцтва з краінамі Паўднёвай Азіі.