Экспазіцыя Made in Belarus на выставе “Газ. Нафта. Тэхналогіі” ва Уфе

Экспазіцыя Made in Belarus прадстаўлена на спецыялізаванай выставе “Газ. Нафта. Тэхналогіі”, якая адкрылася 25 мая ва Уфе (Рэспубліка Башкартастан, Расійская Федэрацыя).

Арганізатар экспазіцыі Made in Belarus – выставачнае ўнітарнае прадпрыемства “Белінтэрэкспа” Беларускай гандлёва-прамысловай палаты.

У межах экспазіцыі навінкі і перадавыя распрацоўкі ў нафтахімічнай прамысловасці дэманструюць сем беларускіх кампаній: канцэрн “Белнафтахім” і яго падведамасныя прадпрыемствы – “Белшына”, “Магілёўхімвалакно”, Мазырскі нафтаперапрацоўчы завод, “СветлагорскХімвалакно”, а таксама кампанія “Сейсматэхніка” і Беларускі металургічны завод. У ліку прадстаўленых узораў прадукцыі – шыны, бясшвовыя трубы для нафта- і газаправодаў, поліэфірнае валакно, бензін і паліва, нятканыя матэрыялы для вырабаў медыцынскага прызначэння, а таксама абсталяванне для свідравання і рамонту свідравін.

Пасля ўрачыстай цырымоніі адкрыцця выставы “Газ. Нафта. Тэхналогіі” беларускую экспазіцыю наведаў Кіраўнік Рэспублікі Башкартастан Радый Хабіраў.