B2B перамовы з кітайскімі кампаніямі горада Цяньцзінь

У рамках Тыдня горада Цяньцзінь (КНР) у Магілёўскай вобласці (далей-Тыдзень) Магілёўскае аддзяленне БелГПП 25 чэрвеня арганізавала і правяло рэгіянальны Беларуска-Кітайскі бізнес-форум "Магілёўская вобласць і горад Цяньцзінь: 5 гадоў супрацоўніцтва" і B2B перамовы паміж кітайскімі і беларускімі прадпрыемствамі.

З кітайскага боку ў перагаворах прынялі ўдзел 19 кампаній, з беларускага больш як 70 кампаній розных сфер дзейнасці, сярод якіх не толькі магілёўскія.

У ходзе перамоў бакі абмеркавалі супрацоўніцтва па пастаўках беларускай сельгаспрадукцыі і піламатэрыялаў у КНР, па імпарце ў Беларусь станкоў, прамысловых фарбаў, металапрадукцыі, электронікі, адкрыццё кітайскіх прадпрыемстваў на базе Свабоднай эканамічнай зоны "Магілёў".

У рамках Тыдня ў перыяд з 24 па 27 чэрвеня адбыліся сустрэча кітайскай дэлегацыі на чале з намеснікам мэра горада Цяньцзінь з губернатарам Магілёўскай вобласці, выстава кітайскіх вытворцаў, спартыўныя і культурныя мерапрыемствы, наведванне знакавых аб'ектаў гарадской інфраструктуры горада Магілёва.

Паміж Магілёўскім аддзяленнем БелГПП і ГПП г.Цяньцзіня падпісана пагадненне аб супрацоўніцтве, у рамках якога вядзецца работа, накіраваная на аказанне садзейнічання бізнесу дзвюх краін.

У выпадку зацікаўленасці ў супрацоўніцтве з прадпрыемствамі горада Цяньцзінь просім накіроўваць запыты ў аддзел знешнеэканамічных сувязей Магілёўскага аддзялення БелГПП па электроннай пошце: ves.mogilev@cci.by або па тэл. +37533 6070805, +375 222 778034.