Бізнес-форум «Магчымасці для Беларуска-Турэцкага супрацоўніцтва»

У Мінску прайшоў бізнес-форум «Магчымасці для Беларуска-Турэцкага супрацоўніцтва», арганізатарамі якога выступілі Мінскае аддзяленне Беларускай гандлёва-прамысловай палаты і Гандлёвая палата горада Кёрфез.

У ходзе адкрыцця бізнес-форуму генеральны дырэктар Мінскага аддзялення БелГПП Сяргей Набешка адзначыў цеснае супрацоўніцтва Мінскага аддзялення БелГПП з турэцкімі партнёрамі. «Мерапрыемства гэтага года з’яўляецца чацвёртым для нас, і, безумоўна, радуе, што кола нашых сяброў і партнёраў пашыраецца, пацвярджэнне чаго – запланаванае падпісанне пагаднення аб супрацоўніцтве паміж палатамі», – падкрэсліў С. Набешка.

Прэзідэнт Гандлёвай палаты горада Кёрфез Рэджэп Азцюрк падкрэсліў важнасць гэтага візіту ў Мінск, бо ўсе прадстаўнікі турэцкага бізнесу ўпершыню ў Беларусі і скіраваныя на супрацоўніцтва.

У мерапрыемстве ўзялі ўдзел прадстаўнікі кіраўніцтва г. Мінска і г. Кёрфеза.

Так, намеснік старшыні Мінскага гарадскога выканаўчага камітэта Андрэй Стрыгельскі зазначыў, што краіны яшчэ ў поўнай меры не раскрылі свой патэнцыял. Значныя перспектывы ёсць у разнастайных сферах: ад машынабудавання, лёгкай і харчовай прамысловасці да аховы здароўя, адукацыі і культуры. А таксама праінфармаваў, што Мінску ёсць, што прапанаваць партнёрам, ён адкрыты да супрацоўніцтва – інвестыцый па рэалізацыі эканамічных, інвестыцыйных, інавацыйных праектаў. Мінск цудоўны з пункту гледжання інвестара, таму што ў ім ёсць усе магчымасці: інфраструктура і прафесіяналы – чалавечы рэсурс.

У сваю чаргу намеснік мэра горада Кёрфез Серкан Йенідэмір акцэнтаваў увагу на тым, што турэцкі бок бачыць узаемны інтарэс у развіцці адносін, і выказаў гатоўнасць на ўзроўні лакальнай адміністрацыі аказваць падтрымку развіццю магчымага двухбаковага супрацоўніцтва, а таксама запрасіў кіраўніцтва Мінгарвыканкама пад эгідай Мінскага аддзялення БелГПП арганізаваць візіт у Кёрфез.

З прывітальным словам да ўдзельнікаў форуму і падзякай арганізатарам звярнуўся Надзвычайны і Паўнамоцны Пасол Турэцкай Рэспублікі ў Рэспубліцы Беларусь Гючлю Джэм Ышык. У сваім выступленні спадар Пасол адзначыў, што па выніках 2023 года таваразварот паміж Беларуссю і Турцыяй сукупна наблізіўся да адзнакі ў 2 млрд. дол. ЗША, што дазволіла пераўзысці планку, вызначаную прэзідэнтамі дзвюх краін. «Беларусь зацікаўлена развіваць супрацоўніцтва з Турцыяй, для рэалізацыі чаго мы гатовыя задзейнічаць усе магчымыя рэсурсы», – адзначыў Гючлю Джэм Ышык.

З мэтай асвятлення інвестыцыйнага патэнцыялу краіны, а таксама магчымасцей анлайн гандлю ўвазе гасцей былі прадстаўлены дзве прэзентацыі: «Інвестыцыйны патэнцыял Рэспублікі Беларусь» і «Біржавы гандаль як інструмент прасоўвання прадукцыі».

У рамках форуму адбылося падпісанне пагаднення аб супрацоўніцтве паміж Мінскім аддзяленнем Беларускай гандлёва-прамысловай палаты і Гандлёвай палатай горада Кёрфез.

Па заканчэнні пленарнай часткі мерапрыемства Сяргей Набешка запрасіў беларускі бізнес прыняць удзел у дзелавым візіце ў Стамбул, дзе ў канцы лістапада адбудзецца буйная выстаўка MUSIAD Expo. «Яна шматпрофільная. І мы разумеем, наколькі важна і цікава беларускім прадпрымальнікам яе наведаць», – адзначыў ён. (Больш падрабязная інфармацыя аб візіце, што мае адбыцца).

Пасля пленарнай часткі форум працягнулі В2В-перагаворы, дзе прадстаўнікі беларускіх прадпрыемстваў атрымалі магчымасць усталяваць кантакты з кіраўнікамі турэцкіх кампаній. Бізнес-дыялог ахапіў такія сферы дзейнасці, як машынабудаванне, будаўніцтва, лёгкая прамысловасць, лагістычныя і транспартныя паслугі, вытворчасць тэнтавых сістэм, медыцынскага абсталявання, мэблі, сістэм ачысткі вады і іншыя.