Брыфінг аб Брэсцкім эканамічным форуме-практыкуме: Стратэгічны партнёр - Кітай (9 кастрычніка 2025)

17 верасня ў Беларускай гандлёва-прамысловай палаце адбыўся брыфінг наконт маючага адбыцца Форума-практыкума “Стратэгічны партнёр – Кітай” для беларускага бізнесу, які пройдзе 9 кастрычніка ў Брэсце.

У брыфінгу з удзелам рэспубліканскіх сродкаў масавай інфармацыі прынялі ўдзел генеральны дырэктар Брэсцкага аддзялення БелГПП Валерый Лабун і намеснік старшыні БелГПП Віталь Вабішчэвіч.

Кіраўнік рэгіянальнай палаты ў ходзе брыфінгу адзначыў, што “сёлета спаўняецца 33 гады ўстанаўленню беларуска-кітайскіх дыпламатычных адносін. Намаганнямі кіраўнікоў дзяржаў за гэты час створаны магутны палітычны фундамент двухбаковых адносін”. “За гэтыя дзесяцігоддзі назапашаны значны, каласальны патэнцыял узаемавыгаднага партнёрства і супрацоўніцтва. Што такое сучасны Кітай? Я думаю, ні для кога не сакрэт, што гэта краіна, якая адкрывае вялікія магчымасці для беларускай эканомікі. Па-першае, - гэта практычна неабмежаваны рынак для нашых тавараў і паслуг. Па-другое, - гэта значныя фінансавыя, крэдытныя, інвестыцыйныя, тэхналагічныя рэсурсы. Па-трэцяе, - гэта назапашаны Кітаем вопыт сацыяльна-эканамічнага развіцця ў цэлым”, - падкрэсліў ён.

Для падрыхтоўкі і правядзення форуму быў створаны спецыяльны інтэрнэт-сайт, з дапамогай якога прадстаўнікі бізнесу могуць прайсці рэгістрацыю і даведацца пра ўсе падрабязнасці мерапрыемства.

Чакаем усіх зацікаўленых у развіцці партнёрства і бізнесу з Кітаем на форуме 9 кастрычніка ў Брэсце.

Месца правядзення:
гатэль Hampton by Hilton, канферэнц-зала Лотас,
Варшаўская шаша, 41

Гатовыя да любых цікавых форм калабарацыі ў рамках правядзення форуму-практыкума!