Форум «Student’s Digital Days SB BSU»

Інстытут бізнесу БДУ сабраў больш за 100 студэнтаў з Беларусі і Расіі для ўдзелу ў форуме "Student's Digital Days SB BSU". Мерапрыемства прайшло ўпершыню для фарміравання кампетэнцый у студэнтаў у digital-маркетынгу.

Удзельнікі прадстаўлялі вядучыя беларускія і расійскія ВНУ. Гэта БДУ, БДЭУ, Акадэмія кіравання пры Прэзідэнце Рэспублікі Беларусь, Беларуская дзяржаўная сельскагаспадарчая акадэмія, Вяцкі дзяржаўны ўніверсітэт, Санкт-Пецярбургскі дзяржаўны ўніверсітэт тэлекамунікацый ім. прафесара М.А. Бонч-Бруевіча, Кубанскі дзяржаўны ўніверсітэт, Санкт-Пецярбургскі гуманітарны ўніверсітэт прафсаюзаў і інш.

22 сакавіка форум стартаваў правядзеннем "Digital-марафона", у рамках якога эксперты ў галіне digital-маркетынгу выступілі з тэматычнымі дакладамі, правялі серыю майстар-класаў. Удзельнікі марафона азнаёміліся з трэндамі кантэкснай рэкламы ў Беларусі, выкарыстанні штучнага інтэлекту ў банкаўскім маркетынгу, маркетынгу ў Telegram, PR-тэхналогіях, прасоўванні прадукта ў сацыяльных сетках і інш.

23 сакавіка адбыўся навукова-практычны семінар "Маркетынг у лічбавай эканоміцы". З прывітальным словам да ўдзельнікаў семінара звярнуўся генеральны дырэктар Мінскага аддзялення БелГПП, член журы Сяргей Набешка, пажадаўшы ўдачы ўсім канкурсантам і абазначыўшы актуальнасць, высокую значнасць гэтага напрамку для паспяховага развіцця беларускіх прадпрыемстваў і эканомікі ў цэлым.

Больш за 20 дакладаў былі прадстаўлены ўдзельнікамі паводле вынікаў сваіх навуковых даследаванняў. Прызёрамі сталі студэнты Інстытута бізнесу БДУ, Акадэміі кіравання пры Прэзідэнце Рэспублікі Беларусь, Маскоўскага дзяржаўнага ўніверсітэта ім. М.В. Ламаносава, пераможцам - Санкт-Пецярбургскага гуманітарнага універсітэта прафсаюзаў.

У завяршэнне праграмы форуму прайшоў фінал алімпіяды па digital-маркетынгу. У ім прынялі ўдзел дзесяць каманд з ВНУ Беларусі і Расіі. У рамках алімпіяды студэнты прадставілі свае распрацаваныя стратэгіі і відэаролікі для папулярызацыі прадукцыі першай неабходнасці ад вядомых беларускіх і расійскіх вытворцаў.