Сустрэча Старшыні Калегіі Еўразійскай эканамічнай камісіі М.Мясніковіча і членаў Калегіі (міністраў) ЕЭК з прадпрымальніцкай супольнасцю Беларусі

Сустрэча, арганізаваная Еўразійскай эканамічнай камісіяй сумесна з Беларускай гандлёва-прамысловай палатай у Брэсце, прадоўжыла канструктыўную і эфектыўную практыку ўзаемадзеяння ЕЭК з гандлёва-прамысловымі палатамі краін ЕАЭС па паляпшэнні ўмоў вядзення бізнесу, пашырэння экспарту на рынкі трэціх краін.

У сустрэчы прынялі ўдзел Старшыня Калегіі ЕЭК Міхаіл Мясніковіч, член Калегіі (міністр) па інтэграцыі і макраэканоміцы Сяргей Глазьеў, член Калегіі (міністр) па энергетыцы і інфраструктуры Эміль Кайкіеў, член Калегіі (міністр) па прамысловасці і аграпрамысловым комплексе Артак Камалян, член Калегіі (міністр) па тэхнічным рэгуляванні Віктар Назаранка, член Калегіі (міністр) па мытным супрацоўніцтве Алег Панкратаў, член Калегіі (міністр) па канкурэнцыі і антыманапольным рэгуляванні Арман Шакаліеў, старшыня Беларускай гандлёва-прамысловай палаты Уладзімір Улаховіч, першы намеснік старшыні Праўлення Нацыянальнага банка Рэспублікі Беларусь Сяргей Калечыц, намеснік Міністра эканомікі Рэспублікі Беларусь Сяргей Міцянскі, намеснік старшыні Брэсцкага аблвыканкама Дзмітрый Гарадзецкі. Беларускі бізнес прадставілі кіраўнікі больш як 60 прадпрыемстваў-экспарцёраў – ад  флагманаў айчыннай прамысловасці да суб’ектаў малога бізнесу.

Падчас сустрэчы абмеркаваны актуальныя для прадпрымальніцкай супольнасці Беларусі пытанні вядзення бізнесу ў межах Еўразійскага эканамічнага саюза, існуючыя бар’еры, якія перашкаджаюць свабоднаму доступу на рынкі дзяржаў – членаў ЕАЭС, прапановы па іх аператыўным вырашэнні.

Як адзначыў падчас брыфінгу па выніках сустрэчы Старшыня Калегіі ЕЭК Міхаіл Мясніковіч, на сустрэчы бізнесам былі агучаны пытанні па такіх напрамках, як забеспячэнне лекавай бяспекі і павелічэнне на рынку ЕАЭС аб’ёму прэпаратаў на аснове ўласнай сыравіны, зняцце транспартных бар’ераў пры перамяшчэнні па тэрыторыі ЕАЭС грузаў, якія паходзяць з дзяржаў-членаў, укараненне электроннага дакументаабароту пры транспартаванні тавараў, прыняцце дакументаў, што забяспечваюць функцыянаванне агульнага рынку нафтапрадуктаў і газу, пытанні прамысловай кааперацыі, свабоды перасоўвання грамадзян шляхам распрацоўкі Еўразійскага сертыфіката вакцынацыі, забеспячэння роўнага доступу вырабленай у рамках ЕАЭС прадукцыі на рынкі іншых дзяржаў – членаў Саюза.

Міхаіл Мясніковіч адзначыў, што ў Калегіі выбудавана сістэма ўзаемадзеяння з бізнесам – праз грамадскія абмеркаванні плануемых да прыняцця законапраектаў, работу камітэтаў, збор прапаноў для фарміравання парадку дня пасяджэнняў Савета ЕЭК. У той жа час асабістая сустрэча членаў Калегіі з бізнесам – гэта яшчэ больш эфектыўны механізм зваротнай сувязі, які дазваляе вызначыць тыя канкрэтныя напрамкі, якія цікавіць бізнес, ацаніць эфектыўнасць праведзенай работы, а таксама пачуць пытанні, якія яшчэ трэба вырашыць. “Такія сустрэчы з бізнесам неабходна праводзіць на рэгулярнай аснове, каб выслухаць прадстаўнікоў дзелавой супольнасці, прапрацаваць канкрэтныя, найбольш вострыя пытанні, і праз год прадметна расказаць аб праведзенай рабоце па кожным з іх, каб прадпрымальнікі краін ЕАЭС адчувалі ўцягнутасць у працэсы інтэграцыі, а таксама тую дапамогу, якую Калегія можа прадаставіць”, – падкрэсліў Міхаіл Мясніковіч.

Старшыня БелГПП Уладзімір Улаховіч падкрэсліў, што каштоўнасць праведзенай сустрэчы заключаецца ў тым, што беларускі бізнес паказаў сваю зацікаўленасць у стратэгічным планаванні далейшага развіцця ў рамках ЕАЭС, удзеле ў інтэграцыйных працэсах. “Таксама сустрэча – гэта своеасаблівы матывуючы момант для прадпрымальнікаў. Тое, што Калегія сабралася такім складам, каб пачуць пытанні прадпрыемстваў, кажа пра тое, што голас бізнесу важны ў пытаннях інтэграцыі, і падобныя абмеркаванні будуць садзейнічаць прыняццю канкрэтных рашэнняў па цэлым шэрагу праблемных пытанняў”, – адзначыў Уладзімір Улаховіч.