У рамках работы па магчымым падпісанні гандлёвага пагаднення ЕАЭС з Інданезіяй Мінскае аддзяленне БелГПП актыўна садзейнічае беларускаму бізнесу ў выхадзе на гэты ёмісты рынак з насельніцтвам у больш як 280 мільёнаў чалавек.

У рамках візіту ў Джакарту кіраўніцтва кампаніі ТАА «Праміра» (член БелГПП) правяло шэраг сустрэч і перагавораў з патэнцыйнымі інданезійскімі партнёрамі.

Прадметам абмеркання стала супрацоўніцтва ў наступных сферах:
- вытворчасць і пастаўкі высакавольтных і нізкавольтных камплектных прылад, падстанцый;
-   пастаўкі прамысловага электраабсталявання;
-   металавытворчасць;
-   выкананне электрамантажных і пусканаладачных работ.

Таксама адбылася сустрэча з Надзвычайным і Паўнамоцным Паслом Рэспублікі Беларусь у Рэспубліцы Інданезія Раманам Раманоўскім. У ходзе сустрэчы былі абмеркаваны актуальныя лагістычныя схемы, варыянты для выхаду на інданезійскі рынак, рэалізацыя магчымых праектаў.

Мінскае аддзяленне БелГПП працягвае сістэмную работу па інфармаванні беларускіх прадпрыемстваў аб перспектывах інданезійскага рынку, арганізацыі кансультацый і дзелавых місій.

Зацікаўленыя ў пашырэнні паставак на замежныя рынкі? Мінскае аддзяленне БелГПП аказвае кансультацыйную, маркетынгавую і арганізацыйную падтрымку беларускім прадпрыемствам, арыентаваным на экспарт. Для атрымання інфармацыі аб удзеле ў маючых адбыцца дзелавых місіях і магчымасцях супрацоўніцтва звяртайцеся на электронную пошту: eet@tppm.by ці marketing@tppm.by.