Статус правадзейнага члена БелГПП: 30 кампаній Мінска і Мінскай вобласці ўступіла ў найбуйнейшую дзелавую супольнасць краіны

У Мінскім аддзяленні Беларускай гандлёва-прамысловай палаты адбылося ўрачыстае ўручэнне пасведчанняў новым правадзейным членам найбуйнейшай дзелавой супольнасці краіны. У лік новых удзельнікаў увайшло 30 кампаній Мінска і Мінскай вобласці, якія працуюць у розных сферах – ад вытворчасці высокатэхналагічнага прамысловага і вымяральнага абсталявання, транспартна-лагістычных паслуг, хімічнай і тэкстыльнай прамысловасці да фінансавага сектара дэвелапменту. Дзевяць з іх выбралі пакет «Прэміум», што сведчыць аб імкненні максімальна выкарыстоўваць магчымасці падтрымкі БелГПП.

У мерапрыемстве прыняў удзел намеснік старшыні БелГПП Віталій Вабішчэвіч, які падкрэсліў важнасць адаптацыі фарматаў узаемадзеянняў з бізнес-супольнасцю да выклікаў сучаснага рынку, актуальных запытаў і патрэб прадпрымальнікаў. Таксама ён зазначыў, што сёлета былі ўкаранены новыя механізмы работы з правадзейнымі членамі Палаты, скіраваныя на пашырэнне пераваг членства, якія ўжо пацвердзілі сваю эфектыўнасць. Віталій Вабішчэвіч таксама адзначыў важнасць Рэестра добрасумленных партнёраў як інструмента павышэння празрыстасці і даверу ў дзелавым асяроддзі, што садзейнічае ўмацаванню рэпутацыі членаў Палаты і спрашчае ўзаемадзеянне на міжнароднай арэне.

Сёння Беларуская гандлёва-прамысловая палата - гэта магутная платформа для развіцця, інтэграцыі і стабільнага росту беларускага бізнесу. Палата з’яўляецца значным гульцом пры фарміраванні сучаснага дзелавога асяроддзя, садзейнічае ўмацаванню дзелавых сувязей і дапамагае кампаніям выходзіць на міжнародныя рынкі, інтэгруючыся ў сусветную эканоміку. У сваім выступленні генеральны дырэктар Мінскага аддзялення БелГПП Сяргей Набешка адзначыў, што ўступленне ў Палату адкрывае рэальныя перспектывы новых магчымасцей. БелГПП аказвае больш як 100 відаў паслуг, якія ахопліваюць усе аспекты дзелавой дзейнасці: ад сертыфікацыі, экспертызы і юрыдычнай падтрымкі да знешнеэканамічных аперацый, прасоўвання экспарту і адукацыйных праграм. Акрамя гэтага, Палата гатова ствараць новыя паслугі пад запыты бізнесу, што забяспечвае індывідуальны і аператыўны падыход.

Дырэктар Цэнтра дзелавой адукацыі БелГПП Алена Харашэўская падрабязна расказала пра ключавыя напрамкі адукацыйных праграм Палаты, вылучыўшы праекты павышэння кваліфікацыі для бізнесу. Асаблівая ўвага была нададзена маштабнаму праекту — Акадэміі экспарту, запуск якой адбудзецца ўжо 14 лістапада. Акадэмія мае на мэце сістэмна развіваць кампетэнцыі ў сферы міжнароднага гандлю, падтрымліваючы экспарцёраў і рыхтуючы спецыялістаў да паспяховай работы на глабальных рынках. Навучанне арганізавана ў фармаце аўтаномных модуляў, якія ўдзельнікі могуць праходзіць паасобку, выбіраючы найбольш запатрабаваныя тэмы, ці засвоіць поўны курс для атрымання комплекснага і паслядоўнага разумення экспартных працэсаў і інструментаў работы з замежнымі партнёрамі.

Цырымонія ўручэння пасведчанняў прайшла ў дзелавой і канструктыўнай атмасферы. Прадстаўнікі кампаній атрымалі магчымасць прадставіць свае арганізацыі, абазначыць чаканні і абмеркаваць перспектыўныя напрамкі супрацоўніцтва. Падчас мерапрыемства выявіліся агульныя інтарэсы паміж новымі членамі, што ў будучыні можа стаць асновой для сумесных праектаў.

Беларуская гандлёва-прамысловая палата выказвае шчырую падзяку новым членам за выбар далучыцца да найбуйнейшай і ўплывовай дзелавой супольнасці краіны. Статус члена Палаты сведчыць пра высокі ўзровень прафесіяналізму і надзейнасці, а таксама адкрывае новыя магчымасці для пашырэння дзелавых гарызонтаў і ўмацавання пазіцый як на ўнутраным, так і на міжнародным рынках.