Візіт у Кітай, правінцыю Шаньдун

У перыяд з 14 па 17 жніўня 2023 г. Мінскае аддзяленне Беларускай гандлёва-прамысловай палаты сумесна з Кітайскім цэнтрам трансферу тэхналогій дзяржаў - удзельніц ШАС, Федэрацыяй прамысловасці і гандлю Ціндао пры падтрымцы кіраўніцтва раёна Шынань г. Ціндао арганізавалі бізнес-місію прадпрыемстваў Рэспублікі Беларусь у Ціндао, правінцыя Шаньдун, КНР.

У бізнес-місіі прынялі ўдзел прадпрыемствы, зацікаўленыя ў супрацоўніцтве з кітайскімі вытворцамі гуматэхнічных вырабаў, прамысловага абсталявання, тэхнікі, запчастак, у сферы юрыдычных і лагістычных паслуг.

У ходзе візіту беларуская дэлегацыя прыняла ўдзел у дзелавым форуме, у рамках якога адбыліся выступленні, роўд-шоу праектаў беларускіх і кітайскіх прадпрыемстваў, дзелавыя перагаворы паміж прадпрымальнікамі.

У рамках форуму Мінскае аддзяленне Беларускай гандлёва-прамысловай палаты і Кітайскі цэнтр трансферу тэхналогій дзяржаў - членаў ШАС падпісалі Пагадненне аб супрацоўніцтве.

Таксама адбылася дзелавая сустрэча з кіраўніцтвам ГПП Ціндао, падчас якой бакі абазначылі імкненне да кааперацыі паміж бізнесам двух рэгіёнаў і дасягнулі намеру аб падпісанні Пагаднення аб супрацоўніцтве з Мінскім аддзяленнем БелГПП у рамках святкавання 956-годдзя г. Мінска.

У працяг дзелавой праграмы беларускія ўдзельнікі наведалі шэраг вядучых кітайскіх карпарацый і холдынгаў, дзе азнаёміліся з вытворчасцю і правялі перагаворы з кіраўнікамі тэхнічных і камерцыйных службаў аб узаемавыгадным супрацоўніцтве.