Другі Беларуска-Польскі семінар

Улічваючы значную цікавасць бізнесу Беларусі і Польшчы да семінара, які адбыўся 23 лістапада, Беларуская гандлёва-прамысловая палата і Польска-Беларуская гандлёва-прамысловая палата арганізавалі другі Беларуска-Польскі семінар. Мерапрыемства таксама адбылося на пляцоўцы БелГПП і ў анлайн-фармаце. У ім прынялі ўдзел каля 200 прадстаўнікоў беларускіх і польскіх прадпрыемстваў і арганізацый.

Семінар адкрылі старшыня Польска-Беларускай гандлёва-прамысловай палаты Казімеж Здуноўскі, Часовы павераны ў справах Рэспублікі Польшча ў Рэспубліцы Беларусь Марцін Вайцяхоўскі, Часовы павераны ў справах Рэспублікі Беларусь у Рэспубліцы Польшча Аляксандр Часноўскі, начальнік упраўлення міжнароднага супрацоўніцтва БелГПП Аляксандр Галавароў.

Эксперты Нацыянальнага цэнтра маркетынгу і кан'юнктуры цэн Міністэрства замежных спраў Рэспублікі Беларусь, Нацыянальнага агенцтва інвестыцый і прыватызацыі, Польскага агенцтва інвестыцый і гандлю, Асацыяцыі польскага бізнесу, юрыдычных, страхавых кампаній дзвюх краін прадоўжылі знаёміць прадстаўнікоў бізнесу з асаблівасцямі работы беларускіх і польскіх прадпрыемстваў у сучасных умовах, магчымасцямі і інструментамі развіцця двухбаковых эканамічных сувязяў.