Анлайн-сустрэча “Беларусь – Албанія: перспектывы двухбаковага супрацоўніцтва”

Беларускай гандлёва-прамысловай палатай сумесна з Гандлёва-прамысловай палатай Тыраны арганізавана анлайн-сустрэча “Беларусь – Албанія: перспектывы двухбаковага супрацоўніцтва”.

У мерапрыемстве прынялі ўдзел намеснік старшыні БелГПП Дзяніс Мялешкін, намеснік, саветнік старшыні Гандлёва-прамысловай палаты Тыраны Башкім Сюк’я, прадстаўнік БелГПП у Албаніі Аляксандр Джурбавія, прадстаўнікі Нацыянальнага агенцтва інвестыцый і прыватызацыі Рэспублікі Беларусь, Албанскага савета па аграбізнесе, а таксама 75 кіраўнікоў і спецыялістаў прадпрыемстваў дзвюх краін.

Падчас анлайн-сустрэчы разгледжаны перспектывы развіцця беларуска-албанскага гандлёва-эканамічнага супрацоўніцтва ў прамысловасці, сельскай гаспадарцы, турызме, іншых сферах.

Увазе ўдзельнікаў прадстаўлены прэзентацыі дзелавога клімату і эканамічнага патэнцыялу дзвюх краін, а таксама магчымасці гандлёва-прамысловых палат па пашырэнні бізнес-кантактаў.