Дні Гомельскай вобласці на ВДНГ у Маскве

У Маскве, на пляцоўцы ВДНГ, стартавалі Дні Гомельскай вобласці.

Да 13 мая жыхары і госці расійскай сталіцы змогуць азнаёміцца з выставамі, прысвечанымі культурнай спадчыне, гістарычнаму мінуламу і народным традыцыям Гомельшчыны.

Гомельская вобласць-найбуйнейшы рэгіён краіны, багаты на унікальныя прыродныя, эканамічныя, інтэлектуальныя рэсурсы, які валодае значнай турыстычнай прывабнасцю. Гэта запаведны край, дзе захаваліся старажытныя звычаі і промыслы, унесеныя ў спіс нематэрыяльнай спадчыны чалавецтва (ЮНЕСКА) і Дзяржаўны спіс гісторыка-культурных каштоўнасцей.

Пра гэта і многае іншае з дапамогай сапраўдных мемарыяльных прадметаў з фондаў музея Гомельскага палацава-паркавага ансамбля і сучасных фатаграфій з архіва газеты «Гомельская праўда» раскажа выстава-прэзентацыя «Гомельшчына: гісторыя і сучаснасць».

Лакацыя «Беларуская хата» ўяўляе сабой выставу традыцыйнага побыту вёскі Неглюбка Веткаўскага раёна. Убранне хаты багатае дэкарыравана традыцыйным неглюбскім тэкстылем, прадстаўлена разнастайная кухонная начынне. Перад хатай працуюць майстры народных рамёстваў, праводзяцца майстар-класы па ткацтве ручніка, пляценні пояса, спіральным саломапляценні.

Музычнае афармленне на працягу працы экспазіцый забяспечваюць творчыя калектывы рэгіёна.

«Гомельшчыне па праве ёсць чым ганарыцца – багатая на прыродныя, эканамічныя, інтэлектуальныя рэсурсы вобласць прыцягвае да сябе ўвагу шматлікіх дзелавых партнёраў з Расіі. І гэта нядзіўна: на тэрыторыі рэгіёна размешчана каля 20 працэнтаў прамысловай вытворчасці краіны. Прамысловы патэнцыял на выставе прадставяць гіганты, якія фармуюць валавы прадукт рэгіёну – МНПЗ, БМЗ, Гомельскі хімічны завод, Петрыкаўскі ГАК, – адзначыў намеснік старшыні Гомельскага аблвыканкама Андрэй Канюшка. – Акрамя таго, адной з найважнейшых галін эканомікі вобласці з'яўляецца сельская гаспадарка. Аграрыі рэгіёну не толькі задавальняюць патрэбнасці насельніцтва ў асноўных прадуктах харчавання, забяспечваюць сыравінай перапрацоўчую галіну, але і пастаянна нарошчваюць экспартныя пастаўкі».

Урачыстае мерапрыемства, прысвечанае Дням Гомельскай вобласці на ВДНГ, адбудзецца 6 мая. Плануецца ўдзел кіраўніцтва Гомельскага аблвыканкама, а таксама высокіх гасцей з Расіі.