Дні Рэспублікі Беларусь у Прыморскім краі

З 5 па 10 кастрычніка ва Уладзівастоку (Прыморскі край Расійскай Федэрацыі) адбыліся Дні Рэспублікі Беларусь. Праграма мерапрыемстваў ўключала правядзенне Фестывалю беларускай прадукцыі, выстаўкі буйнагабарытнай тэхнікі, бізнес-форуму.

У цырымоніі адкрыцця Фестывалю беларускай прадукцыі прынялі ўдзел Надзвычайны і Паўнамоцны Пасол Рэспублікі Беларусь у Расійскай Федэрацыі Уладзімір Сямашка, губернатар Прыморскага краю Алег Кажамяка, старшыня Магілёўскага аблвыканкама Леанід Заяц. Яны адзначылі непарыўныя сувязі народаў дзвюх краін, агульнасць іх традыцый і культуры, а таксама актыўнае развіццё дзелавых кантактаў паміж рэгіёнамі, у тым ліку паміж Прыморскі краем і Магілёўскай вобласцю, нягледзячы на адлегласць.

На галоўнай плошчы Уладзівастока разгарнулася экспазіцыя прадукцыі 11 беларускіх вытворцаў.

Прадукты харчавання – малочныя, мясныя дэлікатэсы, кандытарскія і хлебабулачныя вырабы – прадставілі малочны холдынг «Бабушкіна крынка», Кобрынскі масларобна-сыраробны завод, Брэсцкі, Бабруйскі, Магілёўскі і Пінскі мясакамбінаты, кандытарскія фабрыкі «Дамачай», «Чырвоны харчавік» і «Камунарка». Кампанія «Стужка» прэзентавала жыхарам Прымор'я лінейку гардзіннага палатна і камплектаў хатняга тэкстылю, а прадпрыемства «Палессе» – шырокі асартымент жаночага, мужчынскага і дзіцячага трыкатажу.

На выстаўцы буйнагабарытнай тэхнікі былі прадстаўлены трактары «Беларус» ад Мінскага трактарнага завода, тэхніка заводаў «Амкадор», «Гомсельмаш», «Лідсельмаш», а таксама лінейка шын ад «Белшыны».

На палях мерапрыемства ва Уладзівастоку адбыўся бізнес-форум з удзелам больш за 60 прыморскіх кампаній, зацікаўленых у супрацоўніцтве з Рэспублікай Беларусь. Падчас форуму разгледжаны магчымасці павелічэння аб'ёмаў паставак беларускай прадукцыі ў адрас гандлёвых сетак расійскага рэгіёну, перспектыўныя праекты кааперацыі.