Фармат адкрытага дыялогу: Мінскае аддзяленне БелГПП пашырае практыку рэгулярных кансультацый для бізнесу

Мінскае аддзяленне БелГПП правяло кансультацыйны дзень для беларускага бізнесу ў фармаце адкрытага дыялогу. Кіраўнікі прадпрыемства і начальнікі профільных аддзелаў наўпрост адказалі на актуальныя пытанні прадстаўнікоў дзелавых колаў. Тэмамі сустрэчы сталі працэдуры сертыфікацыі, правядзенне экспертызы і ацэнкі, а таксама эфектыўныя механізмы вядзення знешнеэканамічнай дзейнасці.

Па выніках аналізу зваротаў вызначаны шэраг найбольш запатрабаваных тэм. Значная частка пытанняў тычылася сертыфікацыі. Эксперты Палаты падалі разгорнутыя каментары адносна нюансаў атрымання сертыфіката ўласнай вытворчасці і сертыфіката паходжання тавару, звярнуўшы ўвагу на патрабаванні і тыповыя памылкі пры фарміраванні пакету дакументаў.

Асобны блок дыскусіі быў прысвечаны нарматыўна-прававому рэгуляванню. Удзельнікам дэталёва патлумачылі пункты Дэкрэта Вышэйшага Дзяржаўнага Савета Саюзнай дзяржавы № 3 ад 29 студзеня 2024 года. Асноўны акцэнт быў зроблены на практычных аспектах прымянення зацверджаных гэтым дэкрэтам правілаў суб’ектамі гаспадарання Рэспублікі Беларусь для пацверджання вытворчасці і наступнага прысваення прадукцыі статусу «тавар Саюзнай дзяржавы».

Акрамя таго, зафіксаваны ўстойлівы інтарэс да пытанняў развіцця знешнеэканамічнай дзейнасці. У рамках кансультацый былі абмеркаваны эфектыўныя механізмы выхаду на новыя рынкі і падтрымкі экспарту, а таксама магчымасці паслугі «Digital-рэклама» як эфектыўнага інструменту прасоўвання тавараў і паслуг.

З прычыны высокай запатрабаванасці фармату прамога ўзаемадзеяння, Мінскае аддзяленне БелГПП прыняло рашэнне аб правядзенні кансультацыйных дзён на рэгулярнай аснове.