Форум прадпрымальнікаў Бранскай вобласці і рэгіёнаў Рэспублікі Беларусь "Садружнасць-2022"

Віцебскае аддзяленне БелГПП прыняло ўдзел у Форуме прадпрымальнікаў Бранскай вобласці і рэгіёнаў Рэспублікі Беларусь "Садружнасць-2022".

Падчас мерапрыемства кіраўнікі рэгіянальных гандлёва-прамысловых палат Расійскай Федэрацыі і аддзяленняў БелГПП з удзелам больш як 60 прадстаўнікоў дзелавых колаў і бізнес-асацыяцый дзвюх краін азнаёміліся з інвестыцыйным патэнцыялам і магчымасцямі расійска-беларускіх прыгранічных рэгіёнаў, разгледзелі пытанні прамысловай кааперацыі ў рамках інтэграцыі.

Намеснік генеральнага дырэктара па ЗЭД Андрэй Разноўскі выступіў з прэзентацыяй прамысловага патэнцыялу Аршанскага раёна Віцебскай вобласці як тэрыторыі апераджальнага сацыяльна-эканамічнага развіцця, пацвердзіў гатоўнасць да аказання садзейнічання ва ўстанаўленні кантактаў з мэтай прамысловай кааперацыі, супрацоўніцтва з бізнесам рэгіёну.

Выступоўцы адзначылі прыклады станоўчай дынамікі інтэграцыйных працэсаў і важнасць пашырэння расійска-беларускіх адносін у сферы прамысловай кааперацыі. Удзельнікі падзяліліся інфармацыяй аб сістэмных мерах падтрымкі прамысловых кааперацыйных праектаў, абмеркавалі стан узаемнага гандлю і перспектывы развіцця гандлёва-эканамічнага супрацоўніцтва Бранскай вобласці з рэгіёнамі Рэспублікі Беларусь.

У выпадку зацікаўленасці ў наладжванні супрацоўніцтва з прадпрыемствамі і арганізацыямі Бранскай вобласці просім звяртацца ў аддзел знешнеэканамічнай дзейнасці Віцебскага аддзялення БелГПП па тэл. +375 212 67 00 97.