Мінскае аддзяленне БелГПП на п’едэстале прызёраў XVI спартакіяды Беларускай гандлёва-прамысловай палаты

Яркімі атрымаліся апошнія выхадныя гэтага лета ў супрацоўнікаў сістэмы БелГПП, якія прынялі ўдзел у XVI спартакіядзе Беларускай гандлёва-прамысловай палаты. Мерапрыемства прайшло на базе санаторыя «Азёрны» ў Гродзенскай вобласці.

Традыцыйна ў барацьбе за права быць наймацнейшым у разнастайных відах спорту спаборнічала 8 арганізацый сістэмы БелГПП, выявіўшы свае лепшыя спартыўныя якасці, трываласць і волю да перамогі.

Мінскае аддзяленне БелГПП заняло ганаровае трэцяе месца ў агульнакамандным заліку, заняўшы прызавыя месцы ў такіх спартыўных дысцыплінах, як шашкі, шахматы, настольны тэніс, дартс, баскетбольныя кідкі. Але самае важнае дасягненне – лучнасць каманды, падтрымка адзін аднаго і ўмацаванне карпаратыўнага духу!

Віншуем прызёраў, пераможцаў і дзякуем усім удзельнікам спартакіяды за незабыўныя эмоцыі, а Гродзенскаму аддзяленню БелГПП – за выдатную арганізацыю спартыўнага свята!

Эстафета правядзення спартакіяды ўрачыста перададзена Мінскаму аддзяленню БелГПП. Менавіта на гасціннай мінскай зямлі адбудзецца XVII спартакіяда работнікаў арганізацый Беларускай гандлёва-прамысловай палаты.