Нацыянальная экспазіцыя Рэспублікі Беларусь на выстаўцы Vietnam Expo

Нацыянальная экспазіцыя Рэспублікі Беларусь прадстаўлена на 31 Міжнароднай выстаўцы Vietnam Expo, якая адкрылася 13 красавіка ў Ханоі.

Экспазіцыя арганізавана Беларускай гандлёва-прамысловай палатай. Суарганізатары: Міністэрства адукацыі, Міністэрства прамысловасці, Міністэрства сельскай гаспадаркі і харчавання, Дзяржаўны камітэт па навуцы і тэхналогіях, Нацыянальная акадэмія навук Беларусі, канцэрн «Белдзяржхарчпрам», аблвыканкамы і Мінскі гарвыканкам. Выставачны аператар – выставачнае унітарнае прадпрыемства «Белінтэрэкспа» БелГПП.

У цырымоніі адкрыцця беларускага павільёна прынялі ўдзел Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў, кіраўнікі В'етнамскага агенцтва садзейнічання гандлю і В'етнамскага нацыянальнага гандлёвага кірмашу (Vinexad), дырэктар выставачнага прадпрыемства «Белінтэрэкспа» БелТ.

У складзе беларускай экспазіцыі – 35 прадпрыемстваў і арганізацый краіны, сярод якіх Мінскі трактарны завод, Мінскі падшыпнікавы завод, «Белшына», «Гродна Азот», «Нафтан», Брэсцкі лікёра-гарэлачны завод «Белалка», «Белсолад», Клімавіцкі лікёра-гарэлачны завод, Мінскі завод пеністых він, «Мінск Крышталь», Мінскі малочны завод № 1, кандытарская фабрыка «Спартак», «Бабулін гладыш», Слуцкі сыраробны камбінат, фармацэўтычныя прадпрыемствы «Белмедпрэпараты» і «Акадэмфарм», ДКНТ, НАН Беларусі і іншыя. Беларусь на выставе мае ганаровы статус «Асобы госць».

Беларускія кампаніі дэманструюць прадукцыю машынабудавання і нафтахіміі, навукова-тэхнічныя і інавацыйныя распрацоўкі, фармацэўтычныя прэпараты, прадукты харчавання і напіткі.

Экспазіцыю суправаджаюць мерапрыемствы дзелавой праграмы. У прыватнасці, у дзень адкрыцця адбылася прэзентацыя экспартнага патэнцыялу беларускіх вытворцаў: Мінскага аўтамабільнага завода, Слуцкага сыраробнага камбіната, прадпрыемстваў «Нафтан», «Гродна Азот», «Бабушкіна крынка» і «Белмедпрэпараты».

Напярэдадні адкрыцця выстаўкі прадстаўнікі беларускіх кампаній прынялі ўдзел у семінары-кансультацыі, арганізаваным Пасольствам Беларусі ў В'етнаме, прэзентацыі магчымасцей в'етнамскага рынку, B2B-перагаворах, а таксама наведалі прамысловыя аб'екты правінцыі Куангнінь.

Міжнародная выстаўка Vietnam Expo – адна з найбуйнейшых універсальных гандлёва-эканамічных пляцовак Паўднёва-Усходняй Азіі. Мерапрыемства праводзіцца па чарзе ў гарадах Ханоі і Хашымін пад эгідай Міністэрства прамысловасці і гандлю В'етнама. У 2022 годзе ў выстаўцы прымаюць удзел больш за 350 кампаній з 16 краін: Беларусі, В'етнама, Індыі, Інданезіі, Камбоджы, Кітая, Карэі, Кубы, Лаоса, Малайзіі, М'янмы, Непала, Расіі, ЗША, Шры-Ланкі, Японіі, а таксама з Ганконга і Тайваня.

Выстава Vietnam Expo працягне работу да 16 красавіка.