Умацаванне супрацоўніцтва з расійскімі рэгіёнамі

2–4 чэрвеня 2026 года Рэспубліку Беларусь наведалі дэлегацыі Бранскай і Ліпецкай абласцей Расійскай Федэрацыі. Галоўнай мэтай бізнес-місіі стаў пошук партнёраў, якія адпавядаюць дзелавым інтарэсам удзельнікаў, а таксама ўдзел у Міжнароднай аграпрамысловай выставе "Белагра".

Магілёўскім аддзяленнем БелГПП у рамках візіту былі арганізаваны і праведзены двухбаковыя сустрэчы і перагаворы для расійскіх прадпрымальнікаў у г.Мінску і г.Магілёве, а таксама на калектыўным стэндзе Бранскай вобласці непасрэдна на выставе. У цэнтры абмеркаванняў - усе ключавыя напрамкі сельскагаспадарчай галіны: жывёлагадоўля і раслінаводства, аграрнае машынабудаванне, будаўніцтва і спадарожныя напрамкі. Бакі абмяняліся кантактамі, адзначылі высокі ўзровень узаемнай цікавасці і дамовіліся прадоўжыць актыўнае ўзаемадзеянне.

У ходзе бізнес-місіі дэлегацыі таксама наведалі і правялі перагаворы з кіраўніцтвам Інстытута мяса-малочнай прамысловасці, Банкам развіцця Рэспублікі Беларусь, гандлёвай сеткай "Суседзі" і шэрагам іншых беларускіх прадпрыемстваў і арганізацый. Усе ўдзельнікі выказалі гатоўнасць да практычнага супрацоўніцтва і абмену вопытам.

Для ліпецкай дэлегацыі ў Магілёве было арганізавана наведванне Музея славы Магілёўшчыны і мемарыяльнага комплексу «Буйніцкае поле».

Візіт стаў важным крокам па ўмацаванні эканамічных сувязей паміж рэгіёнамі і стварэнні новых платформ для сумесных праектаў. Чакаецца, што дасягнутыя дамоўленасці паслужаць імпульсам для далейшага развіцця двухбаковага супрацоўніцтва.