Падпіска на навіныУ Мінску адкрыецца Гандлёвы дом Гандлёва-прамысловай палаты Узбекістана
1 лютага 2024 г
Па выніках дамоўленасцей, дасягнутых у ходзе візіту ў Беларусь дэлегацыі дзелавых колаў Рэспублікі Узбекістан, які праходзіў з 22 па 26 студзеня, пры садзейнічанні Беларускай гандлёва-прамысловай палаты ў Мінску зарэгістраваны Гандлёвы дом Гандлёва-прамысловай палаты Узбекістана.
Гандлёвы дом будзе ажыццяўляць экспартна-імпартныя аперацыі па шырокім спектры тавараў. У бліжэйшы час ён будзе гатовы прадставіць беларускім наведвальнікам прадукцыю лёгкай і харчовай прамысловасці ад узбекскіх вытворцаў.
