Візіт у Бранскую вобласць

Члены дэлегацыі прынялі ўдзел у расійска-беларускай сустрэчы "Садружнасць 2023", якая праходзіць пад галоўнай тэмай: "Міжрэгіянальныя сувязі як аснова развіцця сумеснага турыстычнага патэнцыялу Бранскай вобласці і рэгіёнаў Рэспублікі Беларусь".

У ходзе візіту былі арганізаваны сустрэчы з кіраўніцтвам дэпартамента аховы здароўя, дэпартамента турызму і культуры Бранскай вобласці, з профільнымі арганізацыямі і бізнес-супольнасцю.

Падводзячы вынікі работы за год па рэалізацыі Сумеснага плана мерапрыемстваў па развіццю турыстычнага патэнцыялу рэгіёнаў Бранскай і Гомельскай абласцей на 2022-2023 гады, генеральны дырэктар Гомельскага аддзялення БелГПП Марына Філонава прапанавала варыянты канкрэтных напрамкаў узаемадзеяння на бягучы год. Адбылося падпісанне Плана кангрэсна-выставачных мерапрыемстваў па развіцці дзелавога турызму на 2023 год, якія арганізуюцца пры ўдзеле Гомельскага аддзялення БелГПП і Гандлёва-прамысловай палаты Бранскай вобласці. Акрамя таго, прайшла прэзентацыя Комплекснага міжнароднага турыстычнага маршруту "Кацярынінскі шлях", фарматам якога прадугледжана стварэнне ўмоў для развіцця рэгіянальнага турыстычнага патэнцыялу праз работу органаў мясцовага самакіравання па распрацоўцы і рэалізацыі турыстычных маршрутаў, звязаных з гістарычнай спадчынай імператрыцы Кацярыны II. У мэтах яго рэалізацыі ў ходзе візіту падпісана Пагадненне аб супрацоўніцтве паміж Кармянскім раённым Саветам дэпутатаў, Гомельскім раённым Саветам дэпутатаў і гандлёва-прамысловымі палатамі Бранскай і Смаленскіх абласцей.