Сустрэча намесніка старшыні БелГПП Д. Мялешкіна з дэлегацыяй Нацыянальнай асамблеі Нікарагуа

Беларускую Гандлёва-прамысловую палату наведалі члены дэлегацыі Нацыянальнай асамблеі Рэспублікі Нікарагуа на чале з першым намеснікам старшыні Арлінг Патрысіяй Алонса Гомес. З дэлегацыяй сустрэўся намеснік старшыні БелГПП Дзяніс Мялешкін. У сустрэчы таксама ўдзельнічалі Надзвычайны і Паўнамоцны Пасол Нікарагуа ў Расійскай Федэрацыі Альба Асусена Торэс Мехія, член Пастаяннай камісіі Палаты прадстаўнікоў Нацыянальнага сходу Рэспублікі Беларусь па міжнародных справах Павел Папко, прадстаўнікі Сакратарыята Палаты прадстаўнікоў.

У ходзе сустрэчы разгледжаны агульныя пытанні беларуска-Нікарагуанскага ўзаемадзеяння ў гандлёва-эканамічнай сферы, магчымасці БелГПП па прасоўванні дзелавых сувязяў беларускіх кампаній з замежнымі партнёрамі.

Намеснік старшыні БелГПП запрасіў дзелавыя супольнасцi Нікарагуа наведаць Беларусь, прыняць удзел у міжнародных выставачных праектах, а таксама арганізаваць В2В-сустрэчу прадстаўнікоў кампаній дзвюх краін у зручным фармаце. Акрамя таго, Дзяніс Мялешкін выказаў зацікаўленасць беларускага боку ў падпісанні пагаднення аб супрацоўніцтве па лініі бізнес-асацыяцый.