Сустрэча ў БелГПП з губернатарам Уладзімірскай вобласці Расійскай Федэрацыі А.Аўдзеевым

У Беларускай гандлёва-прамысловай палаце адбылася сустрэча з губернатарам Уладзімірскай вобласці Расійскай Федэрацыі Аляксандрам Аўдзеевым.

У мерапрыемстве прынялі ўдзел старшыня БелГПП Міхаіл Мятлікаў, старшыня Савета «Гандлёва-прамысловая палата Уладзімірскай вобласці» Іван Аксёнаў, старшыня праўлення ААТ «Беларуская універсальная таварная біржа» Аляксандр Асмалоўскі, кіраўнік аддзялення Пасольства Рэспублікі Беларусь у Расійскай Федэрацыі ў Ніжнім Ноўгарадзе Уладзімір Варанковіч, прадстаўнікі афіцыйнай дэлегацыя Уладзімірскай вобласці.

У сваім прывітальным выступленні старшыня БелГПП Міхаіл Мятлікаў адзначыў, што яго радуе актывізацыя ўзаемадзеяння рэгіянальных арганізацый Беларусі і Расіі. Паводле яго слоў, беларуска-расійскае супрацоўніцтва зараз выходзіць на новы ўзровень. Стаіць задача развіваць і пашыраць традыцыйныя напрамкі, не забываючы пра новыя, якія па нейкіх прычынах раней або не атрымлівалі развіцця, або недастаткова глыбока абмяркоўваліся, а таксама пашыраць наменклатуру ўзаемных паставак і кааперацыю.

«Сёння будзе падпісанае пагадненне паміж Беларускай і Уладзімірскай гандлёва-прамысловымі палатамі. У нас ужо ёсць дамовы з рэгіянальнымі платамі. Цешыць, што паміж сабой працуюць не толькі цэнтральныя беларускія і расійскія арганізацыі, але і рэгіянальныя. Бізнес і прадпрыемствы з рэгіёнаў таксама актыўна сустракаюцца і ўзаемадзейнічаюць», – сказаў Міхаіл Мятлікаў.

Супрацоўніцтва, якое развіваецца паміж Беларуссю і Расіяй, цяпер мае практычны характар, дадаў губернатар Уладзімірскай вобласці Аляксандр Аўдзееў. «У цяперашніх геапалітычных умовах санкцыйнага ціску пытанні пошуку кааперацыйных сувязяў і элементаў імпартазамяшчэння выходзяць на першы план. Гэта праяўляецца літаральна ва ўсім. Нядаўна мы ажыццявілі бізнес-місію, па выніках якой ужо плануецца падпісанне трох дагавораў з беларускім бокам», – адзначыў губернатар.

У ходзе сустрэчы разгледжаны актуальныя пытанні і перспектыўныя напрамкі развіцця двухбаковага гандлёва-эканамічнага ўзаемадзеяння. Расійскаму боку прадстаўлены механізмы падтрымкі двухбаковых гандлёвых аперацый і бізнес-кантактаў, прапанаваныя БелГПП і Беларускай універсальнай таварнай біржай.

Старшыня БелГПП і прэзідэнт Саюза «ГПП Уладзімірскай вобласці» падпісалі пагадненне аб супрацоўніцтве паміж дзвюма арганізацыямі. У мэтах аказання садзейнічання беларускім і расійскімі арганізацыям і прадпрымальнікам у развіцці дзелавых сувязей, пашырэнні ўзаемавыгаднага супрацоўніцтва бакі дамовіліся на рэгулярнай аснове арганізоўваць візіты, бізнес-сустрэчы, выставы і кірмашы, накіраваныя на ўстанаўленне двухбаковых дзелавых кантактаў, абменьвацца камерцыйнымі прапановамі па гандлёва-эканамічным узаемадзеянні, спісамі патэнцыйных партнёраў, інфармаваць адзін аднаго аб мерапрыемствах, якія праводзяцца для бізнесу, аказваць садзейнічанне ў адкрыцці прадпрыемстваў, інфармацыйных цэнтраў і іншых структур для прасоўвання дзелавога супрацоўніцтва, а таксама садзейнічаць вырашэнню знешнеэканамічных спрэчак праз міжнародны арбітраж.

Паводле слоў губернатара Уладзімірскай вобласці, падчас візіту будуць падпісаны яшчэ некалькі дагавораў аб супрацоўніцтве паміж прадпрыемствамі. «Гэтыя кантракты паўплываюць на эканамічныя паказчыкі Беларусі і Уладзімірскай вобласці», – упэўнены Аляксандр Аўдзееў.