КАРНЕТ АТА – МІЖНАРОДНЫ ПАШПАРТ ВАШАГА ТАВАРУ

Атрыманне дадатковых лістоў да раней выдадзенага карнета АТА.

Да раней выдадзенага карнета АТА могуць быць аформлены і выдадзены дадатковыя карашкі, адрыўныя лісты (ваўчары) і (або) лісты-прадаўжэнні жоўтага, белага і блакітнага колераў.

Афармленне дадатковых лістоў да раней выдадзенага карнета АТА ажыццяўляецца асацыяцыяй, якая аформіла і выдала адпаведны карнет АТА.

Для атрымання дадатковых лістоў да раней выдадзенага карнета АТА трымальнік карнета АТА (яго прадстаўнік) прадастаўляе ў выдаючую асацыяцыю:

• суправаджальнае пісьмо на імя выдаючай асацыяцыі з просьбай выдаць дадатковыя лісты да раней выдадзенага карнета АТА за подпісам кіраўніка (андывідуальнага прадпрымальніка) або ўпаўнаважанай ім асобы;
• копіі дакументаў, на падставе якіх увозіцца (вывозіцца) тавар (кантракт, запрашэнне на выстаўку і да т.п.). Кожная старонка завяраецца пячаткай (пры яе наўнасці) і падпісваецца кіраўніком (індывідуальным прадпрымальнікам) або ўпаўнаважанай ім асобай;
• копія плацежнага даручэння аб аплаце паслугі па афармленні і выдачы дадатковых лістоў да раней выдадзенага карнета АТА.

Атрыманне замяняльнага карнета АТА

Калі тэрмін часовага ўвозу тавараў, часова ўвезеных з прымяненнем карнета АТА, можа перасягнуць тэрмін дзеяння карнета АТА, паколькі трымальнік карнета АТА (яго прадстаўнік) не мае магчымасці вывезці тавары ва ўстаноўлены тэрмін, выдаючая асацыяцыя можа выдаць замяняльны карнет АТА.

Замяняльны карнет АТА афармляецца на тыя ж тавары, якія пазначаны ў раней выдадзеным карнете АТА.

Для афармлення замяняльнага карнета АТА неабходна звяртацца ў выдаючую асацыяцыю не пазней, чым за 1 (адзін) месяц да канца тэрміну часовага ўвозу тавараў, устаноўленага замежнай мытняй.

Магчымасць выдачы замяняльнага карнета АТА неабходна ўдакладняць у спецыяліста асацыяцыі БелГПП, якая яго выдае.

Для атрымання замяняльнага карнета АТА трымальнік карнета АТА (яго прадстаўнік) прадастаўляе ў выдаючую асацыяцыю:

• суправаджальнае пісьмо на імя асацыяцыі з просьбай выдаць замяняльны карнет АТА за подпісам кіраўніка (індывідуальнага прадпрымальніка) або ўпаўнаважанай iм асобы;
• агульны спіс тавараў у тым выглядзе, у якім яны будуць пазначаны ў карнете АТА, на рускай і англійскай / іншай (па ўказанні спецыяліста выдаючай асацыяцыі) мовах.
  Кожная старонка агульнага спіса тавараў завяраецца пячаткай (пры яе наяўнасці) і падпісваецца кіраўніком (індывідуальным прадпрымальнікам) або ўпаўнаважанай ім асобай.
  Агульны спіс тавараў з'яўляецца дадаткам да суправаджальнага пісьма;
• заява-гарантыя за подпісам кіраўніка (індывідуальнага прадпрымальніка) або ўпаўнаважанай iм асобы і прадстаўніка трымальніка карнета АТА;
• паведамленне – заява толькі ў электронным выглядзе;
• даверанасць, выдадзеная заяўнікам свайму прадстаўніку (пры неабходнасці); ;
• копіі дакументаў, якія пацвярджаюць дакладную камерцыйную вартасць тавару (без ПДВ): накладныя, рахункі, прайс-лісты, інвойсы, іншыя дакументы, што вызначаюць або пацвярджаюць камерцыйную вартасць тавараў. Кожная старонка завяраецца пячаткай (пры яе наяўнасці) і падпісваецца кіраўніком (індывідуальным прадпрымальнікам) або ўпаўнаважанай ім асобай;
• копія плацежнага даручэння аб аплаце паслугі.

Атрыманне дубліката карнета АТА

У выпадку знішчэння, страты або крадзяжу карнета АТА трымальніку карнета АТА можа быць выдадзены яго дублікат.

Тэрмін дзеяння дубліката карнета АТА павінен заканчвацца ў той жа дзень, што і тэрмін дзеяння арыгінала.

Магчымасць выдачы дубліката карнета АТА неабходна ўдакладняць у спецыяліста асацыяцыі БелГПП, якая яго выдае.

Для атрымання дубліката карнета АТА трымальнік карнета АТА (яго прадстаўнік) прадастаўляе ў выдаючую асацыяцыю:

• суправаджальнае пісьмо на імя выдаючай асацыяцыі з просьбай выдаць дублікат карнета АТА за подпісам кіраўніка (індывідуальнага прадпрымальніка) або ўпаўнаважанай iм асобы;
• копія плацежнага даручэння аб аплаце паслугі.